ភ្នំពេញ: ករណីបង្កការភ្ញាក់ផ្អើលមួយ ដោយជនល្មើសម្នាក់ បានកាប់មន្ត្រីនគរបាលប៉ុស្តិ៍រដ្ឋបាលផ្សារដើមគរម្នាក់ ឲ្យរងរបួសយ៉ាងដំណំ ក្នុងពេលបំពេញការងារ ចុះទៅសាកសួរជនប្រព្រឹត្តបទល្មើស តាមពាក្យបណ្តឹង របស់អ្នករត់ម៉ូតូកង់បី។
ហេតុការណ៍នេះ បានកើតឡើងកាលពីវេលាម៉ោង៣ និង៣០នាទីរសៀលថ្ងៃទី២២ ខែកក្កដា ឆ្នាំ២០១៨ សិ្ថតនៅសង្កាត់ផ្សារដើមគរ ខណ្ឌទួលគោល។
សមត្ថកិច្ច បានឲ្យដឹងថា នៅវេលាថ្ងៃកើតហេតុខាងលើ បន្ទាប់ពីទទួលបានបណ្តឹងពីអ្នករត់កង់បីថា មានបញ្ហាជម្លោះគ្នា ជាមួយម្ចាស់ស្តង់លក់ផ្លែឈើ នៅមុខផ្សារនាគមាស សមត្ថកិច្ចបានចាត់កម្លាំងចុះទៅកន្លែងកើតហេតុ គ្រាន់តែទៅដល់មុខផ្សារនាគមាស មិនទាំងបានសួរនាំផង ក៏ត្រូវជនល្មើសហក់មកកាប់តែម្តង។
មកទល់ពេលនេះ ជនរងគ្រោះត្រូវបានសង្រ្គោះបន្ទាន់ នៅមន្ទីរពេទ្យកាល់ម៉ែត ដោយកំពុងស្ថិតក្នុងស្ថានធ្ងន់ធ្ងរបំផុត។
ក្រោយកើតហេតុភ្លាមៗ ជនល្មើសខាងលើ ត្រូវបានសមត្ថកិច្ច ឃាត់ខ្លួន និងនាំយកមកសាកសួរនៅប៉ុស្តិ៍រដ្ឋបាលផ្សារដើមគរ រួចក៏បញ្ចូនបន្តទៅអធិការនគរបាលខណ្ឌទួលគោ កដើម្បីចាត់ការតាមផ្លូវច្បាប់៕
មតិយោបល់