Post News Media ព័ត៌មានជាតិ រថយន្តហ៊ីយ៉ាន...

រថយន្តហ៊ីយ៉ាន់ដាយ បុកម៉ូតូឌ្រីម ស្លាប់ម្នាក់និងរបួសធ្ងន់ម្នាក់ នៅស្រុកមោងឫស្សី!

​បាត់ដំបង: កាលពីវេលាម៉ោង៣និង៣៥នាទីរសៀល ថ្ងៃទី១៧ ខែសីហា ឆ្នាំ២០១៨ មាន​​ករណីគ្រោះថ្នាក់ចរាចរណ៍រវាងរថយន្តនិងម៉ូតូ បណ្តាលឲ្យមនុស្ស២នាក់ស្លាប់និងរបួសធ្ងន់ នៅលើផ្លូវជាតិលេខ៥​ ចន្លោះគីឡូម៉ែត២៥៩-២៦០ ​​ក្រុម១ ភូមិដុបក្រសាំង​ ឃុំព្រៃតូច​ ស្រុកមោងឬស្សី ខេត្តបាត់ដំបង។​

រថយន្ត​​ម៉ាក ​ហ៊ីយ៉ាន់ដាយ​ ធុនដឹកជញ្ជូន ពណ៌​ស​ ពាក់ស្លាកលេខ​ តាកែវ​​3A.0030​ អ្នកបរមិនស្គាល់អត្តសញ្ញាណ(​គេចខ្លួន) ធ្វើដំណើរពីទិសភ្នំពេញមុខទៅបាត់ដំបង​ លុះមកដល់ចំណុចកើតហេតុ​ក៏បានបត់ឆ្វេង​ រួចបានបុកម៉ូតូមួយគ្រឿងម៉ាក់ហុងដាឌ្រីម​ពណ៌ខ្មៅ ពាក់ស្លាកលេខ ពោធិ៍សាត់​1D. 2019 អ្នកបើកបរ​ មិនស្គាល់អត្តសញ្ញាណ​ (ស្លាប់​ ភេទ​ ប្រុស) ជិះគ្នា២​នាក់​ ធ្វើដំណើរបញ្រ្ចាសទិសគ្នា បណ្តាលឲ្យអ្នកបើកបរម៉ូតូស្លាប់​ នៅកន្លែងកើហេតុ និងម្នាក់ទៀតរបួសធ្ងន់​​(ភេទប្រុស)​ បញ្ជូនទៅមន្ទីរពេទ្យមោង។

ករណី​នេះ បញ្ជូនទៅការិយាល័យខេត្តបាត់ដំបង៕