ភ្នំពេញៈ កាលពីវេលាម៉ោង៩យប់ ថ្ងៃទី១១ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍ ដោយមាននារីរូបស្រស់ស្អាតម្នាក់បើករថយន្តបុកជាមួយម៉ូតូ បណ្ដាលឲ្យបុរស២នាក់រងរបួសធ្ងន់ នៅផ្លូវលេខ៧០ ស្ថិតក្នុងសង្កាត់ស្រះចក ខណ្ឌដូនពេញ ហើយរថយន្តក៏បន្ថែមល្បឿនបើករត់អូសទាំងម៉ូតូរហូតទៅដល់គល់ស្ពានជ្រោយចង្វារ ទើបម៉ូតូរបូតចេញ ហើយរថយន្តនៅតែបន្តបើករត់ឆ្លងស្ពានជ្រោយចង្វារទៀត ទើបត្រូវបានប្រជាពលរដ្ឋនិងសមត្ថកិច្ចតាមឃាត់បាន។
រថយន្តម៉ាក ហាយប្រីត ពណ៍ស ពាក់ស្លាកលេខ ភ្នំពេញ2AK-4041។ ចំណែកម៉ូតូម៉ាកឌ្រីម ពណ៍ខ្មៅ ពាក់ស្លាកលេខ កំពង់ចាម 1W-7243 ជិះដោយបុរស២នាក់ បណ្ដាលឲ្យរងរបួសធ្ងន់ទាំង២នាក់។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់កន្លែងកើត និងសមត្ថកិច្ចជំនាញផ្នែកចរាចរណ៍ក្រុង នាំយករថយន្តនិងម៉ូតូទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំដោះស្រាយគ្នាពេលក្រោយ៕
មតិយោបល់