Post News Media ព័ត៌មានជាតិ ​បាត់កូនមិនដឹ...

​បាត់កូនមិនដឹងទៅណា! ស្រាប់តែប្រទះឃើញកូនដេកផ្អៀងលើទូក​ក្បាលធ្លាក់ចូលទឹកស្លាប់​!

​កណ្តាល: កាលពីវេលាម៉ោង៣និង៣០នាទីទៀបភ្លឺ​ ថ្ងៃទី​២១ ខែ កញ្ញា ឆ្នាំ២០១៨ មានករណីយុវជនម្នាក់​ខ្យល់គ​ដេកស្លាប់ នៅចំណុចក្រោយផ្ទះ សុក រ៉ុន ភូមិកោះកែវក្រោម ឃុំកោះកែវ ស្រុកល្វាឯម ខេត្តកណ្តាល​។

ជនរងគ្រោះឈ្មោះ អូន ពន្លក ភេទប្រុស អាយុ១៧​ឆ្នាំ មុខរបរ​សិស្ស មានទីលំនៅ​ភូមិ​ឃុំ​កើតហេតុ។

នៅមុនពេលកើតហេតុ នៅ​វេលាម៉ោង១និង០០នាទី​យប់ ឈ្មោះ សុន អូន ដែលត្រូវជាឪពុកបាត់កូនឈ្មោះ អូន ពន្លក មិនឃើញមកដេកផ្ទះបានទូរសព្ទ័សួរទៅកូនៗ តែកូនគាត់ត្រូវជាបងប្អូនអ្នករងគ្រោះឆ្លើយប្រាប់មកឪពុកវិញ ថា មិនឃើញ​ឈ្មោះ សុន អូន ក៏បានប្រើឈ្មោះ រ៉ាកូន ប្រសារប្រុសបើក ទូកម៉ាស៊ីន ដើររកមើលតាមបឹងក្រោយផ្ទះជាមួយខ្លួន ពីព្រោះរាល់យប់អ្នករងគ្រោះ តែងទៅរកត្រីដោយយកមងទៅរាយ តែម្នាក់ឯងទេ។ លុះឪពុក និង ឈ្មោះរ៉ាដើររកដល់ម៉ោង​៣​និង៣០នាទីទៀបភ្លឺ ទើបប្រទះ​ឃើញសាកសពកូនដេកផ្អៀង លើទូកក្រោយផ្ទះ សុក រ៉ុន ក្បាលធ្លាក់ចូលទឹកស្លាប់បាត់ទៅហើយ។

សាកសពអ្នករងគ្រោះត្រូវបានក្រុមគ្រួសារយកមកផ្ទះ និងបាន រាយការណ៍មកនគរបាលប៉ុស្តិ៍។ កម្លាំងផ្នែកជំនាញ នគរបាលប៉ុស្តិ៍ គ្រូពេទ្យមណ្ឌលសុខភាពកោះកែវ លោកមេឃុំ លោកមេភូមិ បានពិនិត្យសាកសព និងបានសន្និដ្ឋានថា សាកសពពិតជាខ្យល់​.គ​ដេកស្លាប់ប្រាកដមែន។

សាកសពបានប្រគល់ជូនក្រុមគ្រួសារធ្វើបុណ្យតាមប្រពៃណី៕