ព្រៃវែងៈ កាលពីវេលាម៉ោង ៥ និង៣០នាទីល្ងាចថ្ងៃទី ២១ ខែ កញ្ញា ឆ្នាំ ២០១៨ មានករណីក្មេងស្រី ត្រូវរន្ទះបាញ់ បណ្ដាលឲ្យស្លាប់នៅចំណុចក្បែរផ្លូវ រទេះព្រៃចំការស្វាយចន្ទី ស្ថិតនៅក្នុងភូមិពពេល ឃុំក្របៅ ស្រុកកំចាយមារ ខេត្តព្រៃវែង។
ជនរងគ្រោះឈ្មោះ អាត ស្រីនាង ភេទ ស្រីអាយុ ១៥ឆ្នាំ រស់នៅភូមិឃុំកើតហេតុ។
តាមសមត្ថកិច្ច បានឲ្យដឹងថា ជនរងគ្រោះបានទៅមើលក្របី គាប់ជួនមេឃភ្លៀងរលឹម ក៏ត្រូវរន្ទះបាញ់ ដោយក្រុមគ្រួសារ និងសាច់ញាតិមិនឃើញកូនត្រទ្បប់មកផ្ទះ ទើបនាំគ្នាទៅរក ក៏ឃើញកូនដេកដួលសន្លប់ នៅកន្លែងកើតហេតុខាងលើ។ បន្ទាប់មកក៏បញ្ជូនមកពេទ្យឯកជនពពេល លុះមកដល់ពាក់កណ្តាលផ្លូវ ក៏ដាច់ខ្យល់ស្លាប់តែម្ដង។
បច្ចុប្បន្នសពក្មេងស្រីរងគ្រោះ ត្រូវបានក្រុមគ្រួសារយកមកធ្វើបុណ្យតាមប្រពៃណី៕
មតិយោបល់