ភ្នំពេញ: សន្តិសុខម្នាក់បានធ្វើដំណើរមកកាន់ប៉ុស្តិ៍នគរបាលរដ្ឋបាលកាកាប១ ទាំងក្បាលមានរបួសដើម្បីមកដាក់ពាក្យប្តឹងចោទប្រកាន់ លោកឧកញ៉ាម្នាក់ បានយកដងអំបោស វាយចំក្បាល៣ដងអំបោស បណ្តាលឲ្យបែកហូរឈាមកក្លាក់ មិនតែប៉ុណ្ណោះ បានគំរាមយកកាំភ្លើងមកបាញ់ចោលទៀត ធ្វើឲ្យគាត់ភ័យក៏បានរត់គេចចេញនិងមកសុំការជួយអន្តរាគមន៍ពីនគរបាលប៉ុស្តិ៍កាកាកាប១ តែពុំមាននគរបាលរូបណានៅម្នាក់នោះឡើយ រួចគាត់ក៏ត្រឡប់ទៅផ្ទះវិញ។
ហេតុការណ៍ខាងលើនេះមានការភ្ញាក់ផ្អើលនៅថ្ងៃទី២៤ ខែកញ្ញា ឆ្នាំ២០១៨ នៅសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។
បុរសជាសន្តិសុខរងគ្រោះឈ្មោះ ព្រុំ សារ៉េត អាយុ៤៣ឆ្នាំ មុខរបរសន្តិសុខរបស់ក្រុមហ៊ុន បេះសូវីស យាមនៅផ្ទះលោក ឧកញ៉ាម្នាក់នោះ ស្នាក់នៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ចំណែកឯជនបង្កជាឧកញ៉ាឈ្មោះ ឡុង ហ៊ួ មានលំនៅដ្ឋាននៅសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។ បុរសរងគ្រោះឈ្មោះ ព្រុំ សារ៉េត ជាសន្តិសុខរូបនោះបាននិយាយនៅមុនកើតហេតុយ៉ាងដូច្នេះថា នៅខណ:ដែលគាត់អង្គុយយាមនៅក្នុងផ្ទះរបស់លោកឧកញ៉ានោះ រួចក៏បានដេកលក់ទៅ ខណ:ដល់វេលាម៉ោងប្រមាណជា១០យប់ថ្ងៃទី២៣ ខែកញ្ញា ឆ្នាំ២០១៨ ស្រាប់តែលោកឧកញ៉ា រូបនោះបានយកដងអំបោសមកសំពងក្បាលគាត់ត្រូវចំនួន៣ដងអំបោស បណ្តាលឲ្យរងរបួសបែកហូរឈាមស្រោចពេញខ្លួន ។
លោក ព្រុំ សារ៉េត បានបន្តទៀតថា ក្រោយពេលដែលទទួលរងនូវការវាយដំពីសំណាក់លោកឧកញ៉ាហើយនោះក៏មានអង្គរក្សម្នាក់របស់លោកឧកញ៉ានោះបានស្រែកគំរាមថា ចេញឲ្យឆ្ងាយទៅប្រយ័ត្នគាត់ចូលទៅក្នុងចេញមកវិញយកកាំភ្លើងមកបាញ់ រួចគាត់ក៏បានលឺដូចនេះក៏បានរត់គេចចេញ និងមកសុំការជួយអន្តរាគមន៍ពីនគរបាលប៉ុស្តិ៍កាកាកាប១ តែពុំមាននគរបាលរូបណានៅម្នាក់នោះឡើយ ដោយសារកម្លាំងបានចេញល្បាតតាមមូលដ្ឋាន រួចគាត់ក៏ត្រឡប់ទៅផ្ទះវិញទៅ។
លោក ព្រុំ សារ៉េត បានបន្តទៀតថា លុះស្អែកឡើងវេលាថ្ងៃត្រង់ទើបរូបលោកបានធ្វើដំណើរមកប៉ុស្តិ៍នគរបាលកាកាប១ ដាក់ពាក្យបណ្តឹងលោកឧកញ៉ាម្នាក់នោះ ម្តងទៀតដើម្បីឲ្យនគរបាលអន្តរាគមន៍ និងរកយុត្តិធម៌ជូនគាត់ដែលត្រឹមជាសន្តិសុខបានត្រឹមមួយរស់ៗ។
ក្រោយពេលដែលសន្តិសុខរូបនេះបានដាក់ពាក្យបណ្តឹងរួចហើយនោះគាត់ក៏បានត្រឡប់ទៅផ្ទះវិញ រួចរឿងនេះក៏ស្ងាត់ ឈឹងតែម្តងទៅ ដោយមិនដឹងថា សមត្ថកិច្ចហ៊ានចាត់ការណ៍ ឫអត់នោះទេ៕
មតិយោបល់