ព្រះវិហារ: កាលពីថ្ងៃទី០៨ ខែតុលា ឆ្នាំ២០១៨ សមត្ថកិច្ចបានធ្វើការឃាត់ខ្លួនជនសង្ស័យម្នាក់ ក្រោយទទួលពាក្យបណ្ដឹងពីបុរសម្នាក់ពាក់ព័ន្ធករណីប៉ុនប៉ងឃាតកម្មកាលពីថ្ងៃទី៧ ខែតុលា ឆ្នាំ២០១៨ នៅភូមិសំបូរ ឃុំស្រយង់ ស្រុកគូលែន ខេត្តព្រះវិហារ។
ជនរងគ្រោះមានឈ្មោះ ពៅ ដៀម ភេទប្រុស អាយុ៦២ឆ្នាំ មុខរបរកសិករ រស់នៅភូមិឃុំកើតហេតុ។ ជនសង្ស័យមានឈ្មោះ យោន អ៊ីវ ភេទប្រុស អាយុ២៥ឆ្នាំ មុខរបរកសិករ រស់នៅភូមិឃុំជាមួយគ្នា។
ក្រោយទទួលពាក្យបណ្តឹង សមត្ថកិច្ចបានកោះហៅជនសង្ស័យមកសាកសួរបំភ្លឺ បន្ទាប់មកជនសង្ស័យបានសារភាពថា ខ្លួនពិតជាបានយកកាំភ្លើងកែច្នៃ (កាប៊ីន) ពួនស្ទាក់ចាំបាញ់ជនរងគ្រោះតែបាញ់មិនត្រូវ ពិតប្រាកដមែន។
មូលហេតុ ជនរងគ្រោះចោទថាជនសង្ស័យ ចេះអំពើអាបធ្មប់ធ្វើឲ្យម្តាយស្លាប់។
បច្ចុប្បន្ន ជនសង្ស័យឃាត់ខ្លួនបញ្ជូនទៅអធិការដ្ឋាននគរបាលស្រុកគូលែន និងកសាងសំណុំរឿងបញ្ជូនទៅការិយាល័យ ជំនាញ នៃស្នងការដ្ឋាននគរបាលខេត្តព្រះវិហារ៕
មតិយោបល់