ព្រះសីហនុៈ កាលពីវេលាម៉ោង៨និង៥០នាទីព្រឹក ថ្ងៃទី១៣ ខែតុលា ឆ្នាំ២០១៨ មានករណីគ្រោះថ្នាក់ចរាចរណ៍រវាងរថយន្តនិងរថយន្ត នៅ
លើផ្លូវជាតិលេខ៤ ចន្លោះគីឡូម៉ែត្រលេខ១៣៦-១៣៧ ភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុ។
រថយន្តម៉ាក NISSAN DIESEL ចង្កូតស្តាំ ពណ៌ត្រេអ៊ី ដឹកថ្ម ពាក់ស្លាកលេខ ខេមរភូមិន្ទ02 3-2183 (អ្នកបើកបររត់បាត់)មានទិសដៅទៅក្រុងព្រះសីហនុ និងរថយន្ត TOYOTA. HILUX REVO ពណ៌ទឹកប្រាក់ របស់ក្រុមថែទាំខ្សែកាប្លិ៍អុបទិចទូរគមនាគមន៍ ពាក់ស្លាកលេខ ភ្នំពេញ 2AK-7520 ទិសដៅបញ្រ្ចាសគ្នា បើកបរដោយឈ្មោះ លាង ថៃសាន់ ភេទប្រុស អាយុ២២ឆ្នាំ មានទីលំនៅភូមិ អំពែភ្នំ ឃុំស្វាយក្រវ៉ាន់ ក្រុងច្បារមន ខេត្តកំពង់ស្ពឺ មានមុខរបរបុគ្គលិកថែទាំខ្សែកាប្លិ៍អុបទិចទូរគមនាគមន៍។
ចំពោះករណីនេះ វត្ថុតាងនាំយកមករក្សាទុកនៅអធិការដ្ឋាននគរបាលស្រុកកំពង់សិលាចាត់ការបន្ត៕
មតិយោបល់