ព្រៃវែងៈ កាលពីវេលាម៉ោង៤និង៤០នាទីរសៀល ថ្ងៃទី២២ ខែតុលា ឆ្នាំ២០១៨ នៅភូមិបារាយណ៍ខាងកើត សង្កាត់បារាយណ៍ ក្រុងព្រៃវែង ខេត្តព្រៃវែងមានករណីគ្រោះថ្នាក់ចរាចរណ៍រវាងរថយន្តនិងរ៉ឺម៉កដឹកគ្រែ បណ្តាលឲ្យម្ចាស់រ៉ឺម៉ករងរបួសធ្ងន់ ត្រូវបានបញ្ជូនទៅកាន់មន្ទីរពេទ្យភ្លាមៗផងដែរ។
រថយន្តបង្កម៉ាកFord Ranger ពណ៌ត្រេអ៊ី ពាក់ស្លាកលេខ ខេមរភូមិន្ទ 2_6805 បើកបរដោយមន្រ្តីយោធាឈ្មោះ អ៊ុង ថាច ភេទប្រុស អាយុ៤៥ឆ្នាំ នៅភូមិស្តៅ ឃុំកណ្តៀង ស្រុកពាមរក៍ ខេត្តព្រៃវែង។
ក្រោយពេលកើតហេតុ សមត្ថកិច្ចបានចុះទៅដល់កន្លែង ធ្វើការវាស់វែង និងនាំយករថយន្តនិងរ៉ឺម៉កទៅរក្សាទុកនៅស្នងការនៃស្នងការដ្ឋាននគរបាលខេត្តព្រៃវែង ដើម្បីរង់ចាំការដោះស្រាយគ្នាពេលក្រោយ៕
មតិយោបល់