ភ្នំពេញ: បុរសម្នាក់ជាកូនបានកាន់កាំបិតបុ័ងតោទៅរករឿងនិងអុកឡុកម្តាយដែលកំពុងសំណាក់ធម៌ (សម្មាធិ) ក្នុងវត្តផ្អើលអស់លោកសង្ឃ និងតាអាចារ្យប្រជាពលរដ្ឋ បានប្តឹងសមត្ថកិច្ចឲ្យចុះទៅឃាត់ខ្លួន។
ហេតុការណ៍នេះបង្កភ្ញាក់ផ្អើកាលពីម៉ោង៩និង២០នាទីយប់ថ្ងៃទី២៧ ខែតុលា ឆ្នាំ២០១៨ នៅក្នុងវត្តសំរោងអណ្តែត ស្ថិតក្នុងភូមិច្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ។
ជនសង្ស័យខាងលើមានឈ្មោះ ឃឹម ប៊ុណាក់ អាយុ២៧ឆ្នាំ មុខរបរជាងភ្លើង រស់នៅក្នុងភូមិដំណាក់ សង្កាត់គោកឃ្លាង ខណ្ឌសែន ។
តាមសមត្ថកិច្ចបានឲ្យដឹងថា មុនកើតហេតុ ក្រោយពីមានតាអាចារ្យខលតាមទូរសព្ទមកប្តឹងថា មានក្មេងបែកថ្នាំកាន់កាំបិតក្នុងដៃអុកឡុកម្តាយកំពុងសំណាក់ធម៌ក្នុងវត្ត ទើបលោកមេប៉ុស្តិ៍បញ្ជាឲ្យកូនចៅចុះទៅដល់កន្លែងខាងលើនិងឃាត់ខ្លួនយកយុវជនទៅកាន់អធិការដ្ឋានខណ្ឌសែនសុខ និងយកទៅពិនិត្យទឹកនោមឃើញថា មានផ្ទុកនូវសារធាតុញៀនផងដែរ។
បច្ចុប្បន្នយុវជនខាងលើនេះ ត្រូវសមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ៕
មតិយោបល់