ភ្នំពេញ: ប្ដីប្រពន្ធ២នាក់ស្រវឹងស្រា ជិះម៉ូតូមួយគ្រឿង មកទារលុយពីស្ត្រីម្នាក់ក្នុងហាងម៉ាស្សាមួយកន្លែង រហូតឈ្លោះប្រកែកគ្នា បង្កការភ្ញាក់ផ្អើលឡើង កាលពីវេលាម៉ោង១០និង១៥នាទីយប់ ថ្ងៃ ទី៩ ខែវិច្ឆិកា ឆ្នាំ២០១៨ នៅចំណុចហាងម៉ាស្សាមួយកន្លែងយីហោ (១៦៨ម៉ាស្សាកោសជប់) តាមបណ្តោយផ្លូវ២៧១ ជិតស្ថានីយ៍បូមទឹកបឹងត្របែក ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីដែលឃើញហេតុការណ៍ផ្ទាល់បានប្រាប់ឲ្យដឹងថា នៅមុនពេលកើតហេតុគេបានឃើញ បុរសនារី២នាក់ប្ដីប្រពន្ធ មិនដឹងមកពីណាទេ ខណ:បុរសម្នាក់ជាប្ដីស្រវឹងស្រា បានជិះម៉ូតូស៊េរីចាស់ (មិនស្គាល់ម៉ាក) ម្នាក់មួយគ្រឿង មកដល់ម៉ាស្សាខាងលើ រួចបាន ចុះពីលើម៉ូតូរួចដើរមកទារលុយ ពីស្ត្រីម្នាក់ជាអ្នកម៉ាស្សាក្នុងហាងខាងលើ តែស្ត្រីម៉ាស្សានោះបានប្រកែកតបមកវិញថា ចាំពេលមានលុយ ចាំយកទៅសង ដោយសារតែបុរសជាប្ដីកំពុងស្រវឹងផង ស្រាប់តែទាស់ពាក្យសម្ដីគ្នាទៅវិញទៅមក រហូតស្ទុះទៅរកវាយស្ត្រីម៉ាស្សាខាងលើ តែត្រូវបានស្ត្រីជាប្រពន្ធមកចាប់ទាញឃាត់ តែនៅប្រកែកគ្នាទៀត ទើបបង្កការភ្ងាក់ផ្អើលដល់បងប្អូនប្រជាពលរដ្ឋចេញមកចោមរោមមើល ក្រោយមកបានប្រហែល៥នាទី ស្ត្រីជាប្រពន្ធបាននិយាយជាភាសាវៀតណាម (មិនដឹងម៉េចទេ) ទើបបុរសជាប្ដីដើរមកឡើងម៉ូតូជិះចេញទៅបាត់ ទើបស្ត្រីជាប្រពន្ធឡើងជិះម៉ូតូចេញតាមក្រោយបាត់ដែរទៅ ទើបសមត្ថកិច្ចល្បាតប៉ុស្តិ៍នគរបាលចុះមកដល់កន្លែងកើតហេតុ ។
ក្រោយពេលកើតហេតុសមត្ថកិច្ចក៏បានចុះមកសាកសួរដែរ តែម្ចាស់ទីតាំងហាងម៉ាស្សាខាងលើបានបិទភ្លើងចាក់សោបិទទ្វារអស់ហើយ ៕
មតិយោបល់