ពោធិ៍សាត់: កាលពីម៉ោង ១១ និង៣០ នាទីថ្ងៃទី១៤ ខែវិច្ឆិកា ឆ្នាំ២០១៨ មានករណីគ្រោះថ្នាក់ចរាចរណ៍មួយ រវាងម៉ូតូនិងម៉ូតូ បណ្ដាលឲ្យនៅកំណាត់ផ្លូវជាតិលេខ៥៥ ចន្លោះគីឡូម៉ែត្រលេខ១២៨-១២៩ ភូមិដីក្រហម ឃុំអន្លង់រាប ស្រុកវាលវែង។
ម៉ូតូម៉ាកឌ្រីមសង់សេ១២៥ ពណ៌ខ្មៅ ពាក់ស្លាកលេខ ពោធិ៍សាត់ 1H-2444 ធ្វើដំណើរពីកើតទៅលិច បើកបរដោយឈ្មោះ ឈិន សម្បត្តិ ភេទប្រុស អាយុ ១៦ ឆ្នាំ រស់នៅភូមិឃុំខាងលើ(របួសធ្ងន់) បញ្ជូនទៅមន្ទីរពេទ្យខេត្តពោធិ៍សាត់ បានបុកម៉ូតូម៉ាក ហ្សូម័រអ៊ិច ពណ៌ក្រហម គ្មានស្លាកលេខ បើកបរដោយឈ្មោះ សន ផល្លា ភេទស្រី អាយុ ៣១ ឆ្នាំ មុខរបរគ្រូបង្រៀន រស់នៅភូមិក្រាំងរងៀង ឃុំអន្លង់រាប (របួសធ្ងន់) បញ្ជូនទៅមន្ទីរពេទ្យខេត្តពោធិ៍សាត់។
ក្រោយកើតហេតុ សមត្ថកិច្ចបានចុះវាស់វែង និងយកវត្ថុតាងមករក្សាទុកនៅប៉ុស្តិ៍នគរបាលរដ្ឋបាលអន្លង់រាប ដើម្បីរង់ចាំធ្វើការដោះស្រាយគ្នាពេលក្រោយ៕
មតិយោបល់