កំពតៈ សមត្ថកិច្ចឃាត់ខ្លួនយុវជន២នាក់ ក្នុងចំណោមបក្ខពួក៣នាក់ ពាក់ព័ន្ធករណីហិង្សាដោយចេតនា កាលពីថ្ងៃទី០៥ ខែធ្នូ ឆ្នាំ២០១៨ ស្ថិតនៅក្នុងសង្កាត់កំពង់បាយ ក្រុងកំពត ខេត្តកំពត។
ជនសង្ស័យទី១ឈ្មោះ ភាព ផែន ភេទប្រុស អាយុ ២០ឆ្នាំ មានទីលំនៅភូមិចង្ហោន ឃុំព្រែកត្នោត ស្រុកទឹកឈូ ខេត្តកំពត និងទី២ឈ្មោះ ចេន វិត ប្រុស អាយុ ២៣ឆ្នាំ មុខរបរជាងជួសជុលម៉ូតូ ស្នាក់នៅភូមិក្រាំងសង្កាត់ក្រាំងអំពិល ក្រុងកំពត ខេត្តកំពត។ ចំណែកជនដៃដល់ដែលគេចខ្លួនឈ្មោះ ឈិន ភេទប្រុស អាយុ ២២ឆ្នាំ មិនដឹងទីលំនៅ។
មូលហេតុ ជនសង្ស័យខឹងរឿងគេឌុបស្រីស្នេហ៍កាត់មុខ ហើយថែមទាំងរោទិ៍ម៉ូតូឌឺដងដាក់។
ជនរងគ្រោះឈ្មោះ អេង ហៃ ភេទប្រុស អាយុ២៩ឆ្នាំ មានទីលំនៅភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត និងឈ្មោះ ត្រឹង សីហា ភេទប្រុស អាយុ២៩ឆ្នាំ រស់នៅភូមិស្វាយធំ សង្កាត់ក្រាំងអំពិល ក្រុងកំពត ខេត្តកំពត និងម្នាក់ទៀតមិនស្គាល់ឈ្មោះ។
បន្ទាប់ពីកើតហេតុ កម្លាំងនគរបាលក្រុងកំពតក៏តាមចាប់ក្រុមជនសង្ស័យបាន២នាក់ជាបក្ខពួកជនដៃដល់ដែលគេចខ្លួននោះព្រមទាំងរឹបអូសបានដាវសាមូរ៉ៃមួយដើមផងដែរ៕
មតិយោបល់