កំពង់ធំៈ មានការភ្ញាក់ផ្អើលមួយបានកើតឡើង ខណៈដែលមានក្មេងប្រុសតូចៗអាយុទើបតែ២ឆ្នាំ ចំនួន២នាក់ បានលង់ទឹកស្លាប់យ៉ាងអាណោចអាធ័ម កាលពីវេលាម៉ោង៤និង១៤នាទី ថ្ងៃទី៦ ខែធ្នូ ឆ្នាំ២០១៨ នៅភូមិច្រាំងក្រហម ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។
សមត្ថកិច្ចបានឲ្យដឹងថា ជនរងគ្រោះទាំង២នាក់ ទី១មានឈ្មោះ វ៉ិត ដាវីត ភេទប្រុស អាយុ២ឆ្នាំ និងទី២ឈ្មោះ បឿន សារៈ ភេទប្រុស អាយុ២ឆ្នាំ។
ចំណែកមូលហេតុ គឺបណ្តាលមកពីឪពុកម្ដាយខ្វះការប្រុងប្រយ័ត្ន ចុះលេងទឹកបណ្តាលឲ្យលង់ស្លាប់តែម្តង។
ក្រោយកើតហេតុ សមត្ថកិច្ចបានចុះមកធ្វើការពិនិត្យនិងធ្វើកោសល្យវិច័យប្រគល់សពឲ្យសាច់ញាតិយកទៅធ្វើបុណ្យតាមប្រពៃណី៕
មតិយោបល់