បាត់ដំបងៈ កាលពីវេលាម៉ោង២ រំលងអធ្រាត្រឈានចូលថ្ងៃទី១២ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍ រថយន្តមួយគ្រឿង បើកបុករូបសំណាកដំរីសទាំងកំរោល បណ្ដាលឲ្យរលំផ្ងារជើងបាក់បែកគ្មានសល់ ស្ថិតនៅចំណុចខាងមុខវត្តដំរីស ក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ។
រថយន្តបង្កម៉ាកវីហ្គោ (VIGO) ពណ៌ទឹកមាស ពាក់ស្លាកលេខ ភ្នំពេញ 2H-5855 បើកបរដោយឈ្មោះជា អរ ភេទប្រុស អាយុ៣៧ឆ្នាំ មុខរបរលក់ដូរ រស់នៅភូមិអូរចា សង្កាត់អូរចារ ក្រុងបាត់ដំបង (របួសស្រាល)។
សមត្ថកិច្ចបានឲ្យដឹងថា រថយន្តខាងលើ បានបើកបុករូបសំណាក់វត្តដំរីស បណ្ដាលឲ្យរលំបាក់បែកគ្មានសល់ រីឯរថយន្តក៏ក្រឡាប់ នៅក្បែររូបដំរីសផងដែរ។ យ៉ាងណាមិញបើទោះបីជាករណីនេះ អ្នកបើករយថន្តបង្ក បានអះអាងថា គាត់បានបើកគេចម៉ូតូ ទើបជ្រុលទៅបុកសត្វដំរីក្ដី តែមានប្រភពខ្លះ បាននិយាយថា អ្នកបើកបររថយន្តបុករូបសំណាកដំរីសនោះ ជាទំនងស្រវឹង ព្រោះវេលានោះជាពេលដែលសមស្របបំផុត សម្រាប់អ្នកស្រវឹងបើកបរ។
ក្រោយកើតហេតុ សមត្ថកិច្ចបានចុះទៅពិនិត្យទីតាំងកើតហេតុទាំងយប់ និងបានស្ទូចយករថយន្តបង្ក ទៅរក្សាទុកនៅការិយាល័យចរាចរណ៍ខេត្ត ដើម្បីដោះស្រាយពេលក្រោយតាមផ្លូវច្បាប់៕
មតិយោបល់