ក្នុងជំនួបជើង រវាងក្លិប DKSH ជាមួយនឹងក្លិបបាល់ទាត់ Costa FC លក្ខណ:មិត្តភាព ដើម្បីស្រង់យកបទពិសោធ និងភាតរភាព រវាងគ្នានិងគ្នា លើទីលានដំរីស កាលពីថ្ងៃទី ២៤ ខែ វិច្ឆិកា នេះ ក្លិប DKSH បានលុត Costa ក្នុងលទ្ធផល ៧-២ ។
បើកឆាកដំបូងក្នុងការប្រកួតនេះ ក្លិប DKSH មានសន្ទុះយ៉ាងខ្លាំង ដោយបំបែកពងមាន់ Costa FC នាំមុខ ដោយ ១-០ ដោយការស៊ុតបញ្ចូលទី របស់កីឡាករ ឌីណា នៅនាទី ១៥ ។ ប្រមាណជា ១១ នាទីក្រោយពោលគឺ នាទី ២៦ ខាងខ្សែការពាររបស់ Costa FC ធ្វើឲ្យមានកំហុស នៅតំបន់គ្រោះថ្នាក់ ១១ ម៉ែត្រ និងជាឱកាសរបស់ កីឡាករ សីហា ស៊ុតបំប៉ោងសំណាញ់ Costa FC មួយគ្រាប់ថែមទៀត ធ្វើឲ្យ DKSH ឈ្នះបណ្តោះអាសន្នក្នុងគ្រាប់បាល់ ២-០ ។ សម្រាប់ Costa FC ដែលជាក្លិបមានវត្តមានឈុតធំ លើទីលានបាល់ទាត់ដំបូង ក៏មិនអន់ណាស់ណាដែរ ដោយមានឱកាស វាយបកវិញដែរ គ្រាន់តែធ្វើមិនបានសម្រេចតែប៉ុណ្ណោះ ។ ល្ធផល នៃការធ្វើមិនសម្រេចនេះ ក៏ជាឱកាស របស់កីឡាករ ថារិទ្ធ របស់ DKSH ស៊ុតបំប៉ោងសំណាញ់បន្ថែម នៅនាទី ៤៤ និង ៤៥ កីឡាករ ឌីណា ។ លទ្ធផលតង់ទី ១ DKSH នាំមុខបណ្តោះអាសន្នក្នុងលទ្ធផល ៤-០ ។
តង់ទី ២ ក្រោយសម្រាក ១៥ នាទី បើទោះបីជា DKSH មានបទពិសោធន៍រឹងមាំលើទីលាន តែមិនមែន កែបាល់ភ្លាមបំប៉ោងសំណាញ់ដៃគូប្រកួតឡើយ ដោយ Costa FC ព្យាយាមវាយឆ្មក់ម្តងៗ ដែរ នៅតែមិនសម្រេច ។ លុះមកដល់នាទី ៥២ កីឡា ថារិទ្ធ របស់ DKSH បានលុតថែមមួយគ្រាប់ទៀត ជូន DKSH និងនាទី ៦៥ កីឡាករ សត្យា ។ ក៏ប៉ុន្តែ សម្រាប់ Costa FC ព្យាយាមវាយឆ្មក់ទាល់តែបានសម្រេច ដោយបានបំបែកពងមាន់ របស់ DKSH នៅនាទី ៧៧ ដោយកីឡាករ សុខុម និង នាទី ៨៤ ដោយកីឡាករ ដាលុច ។
៤ នាទីក្រោយនៃការស៊ុតបំប៉ោងសំណាញ់របស់ Costa FC លើក្លិប DKSH ប្រធានក្រុមរបស់ ក្លិប បាល់ទាត់ DKSH ក៏បានលោក គឹម រិនដា បានរកគ្រាប់បាល់មួយគ្រាប់ជូន DKSH វិញ ដោយឈ្នះក្នុងលទ្ធផល ៧-២ ៕
//i1272.photobucket.com/albums/y389/domneng/Ailya/DKSH_zps7923cda0.jpg
ក្លិបាល់ទាត់ DKSH
//i1272.photobucket.com/albums/y389/domneng/Ailya/Costa_zps124fd85f.jpg
ក្លិបបាល់ទាត់ Costa FC
មតិយោបល់