ព័ត៌មានជាតិ

រថយន្តធន់ធំ​បើក​កៀរ​រថយន្ដ​​ ម៉ាស័រដា​2 ស្លាក​លេខ​ ភ្នំពេញ​2AO-2016 សង​២០០០ដុល្លារ​បញ្ចប់រឿង

ភ្នំពេញ: រថយន្តប្រាំតោនមួយគ្រឿងបើកព្យាយាមវ៉ាជែងមិន​ប្រយ័ត្ន​ ក៏ជ្រុល​ទៅ​បុក​កៀរ​រថយន្ត​ម៉ាស័រដា​ ១គ្រឿង​ទៀត ​បណ្តាលឲ្យរងការខូចខាត​អស់មួយចំហៀង​ កាលពីវេលាម៉ោង៦និង៣០នាទី​យប់​ ថ្ងៃ​ទី​១២​ ខែ​ធ្នូ​ ឆ្នាំ​២០១៨ត្រង់ចំណុច​ក្បែរ​ប៉ុស្តិ៍​នគរបាល​រដ្ឋ​បាល​ទឹកល្អក់​ទី​៣​ តាមបណ្តោយផ្លូវ​១៨២​កែងនិងផ្លូវ​២៥៣​ ស្ថិត​ក្នុង​សង្កាត់​ទឹក​ល្អក់​ទី​៣​ ខណ្ឌ​ទួលគោក រាជធានីភ្នំពេញ​។

តាមប្រភពព័ត៌មាន​ពីកន្លែងកើតហេតុបាន​ឲ្យ​ដឹង​ថា ​នៅ​មុន​ពេល​កើត​ហេតុ​គេឃើញ​នារី​ម្នាក់​បើកបរ​រថយន្ត​មួយ​គ្រឿង​ម៉ាក​ ម៉ាស័រដា​2 ពណ៌​ក្រហម​ ពាក់​ស្លាក​លេខ​ ភ្នំពេញ ​2AO-2016​ ដោយធ្វើដំណើរតាម​បណ្តោយផ្លូវ​១៨២​ ក្នុង​ទិសដៅ​ពី​លិចទៅកើត​ លុះមកដល់ចំណុច​កើតហេតុ​ ក៏​ស្រាប់​តែ​មាន​រថយន្ត​មួយ​គ្រឿង​ទៀត​ម៉ាក​ ហ្វូយហ្សូ​ ពណ៌ស​ ជាប្រភេទ​រថយន្ត​ប្រាំតោន​ ពាក់ស្លាកលេខ​ ចង្កូត​ស្តាំ​ PSHN-0469 ដែល​បើកបរ​ដោយបុរស​ម្នាក់​ មកពីក្រោយ​ហើយព្យាយាមបើកវ៉ាជែង​ខាងស្តាំរថយន្តខាងលើដោយខ្វះ​ការប្រុង​ប្រយ័ត្ន​ រួចក៏ជ្រុលទៅកៀររថយន្តខាងលើបណ្តាលឲ្យ​រងការខូចខាតក្រពឹតអស់មួយចំហៀង​ផ្នែក​ខាង​ស្តាំ​។ ចំណែក​ឯ​រថយន្ត​បង្ក​រងការ​ខូចខាត​បន្តិច​បន្តួច​។

ក្រោយ​ពេល​កើត​ហេតុ​សមត្ថកិច្ច​មូល​ដ្ឋាន​និង​សមត្ថកិច្ច​ជំនាញ​ក៏​បានចុះ​មកដល់​ចំណុច​កើត​ហេតុ​ហើយក៏មានតំណាង​ខាងរថយន្តធុនធំ​បានចូលខ្លួន​មកធ្វើការ​សម្របសម្រួល​ចរចារ​ដោះស្រាយ​គ្នា​ជាមួយ​និងភាគី​រថយន្ត​ធន់​តូច​ ដោយ​ព្រម​ចេញសំណង​ចំនួន២០០០ដុល្លារ​ឲ្យទៅ​ភាគីរថយន្តធុនតូច​ដើម្បី​បញ្ចប់​រឿង​នៅ​នឹង​កន្លែង​កើត​ហេតុ​៕​

មតិយោបល់