ព័ត៌មានជាតិ

កម្មករ​ជៀរជ័រ​កៅស៊ូក្រុមហ៊ុន​ម៉ាងយ៉ាងម្នាក់ ត្រូវជនសង្ស័យចាក់នឹងកាំបិតរងរបួស នៅខេត្តរតនគិរី!

រតនគិរី: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃ​ទី១២ ខែធ្នូ ឆ្នាំ២០១៨ វេលា​ម៉ោង២១និង៥៦នាទី មាន​ករណី ហិង្សាដោយ​ចេតនា (ចាក់នឹង​កាំបិត​ចុង​ស្រួច) នៅចំណុច​ស្ពានអូរតាង​ក្រុមហ៊ុន​ម៉ាងយ៉ាង ស្ថិតក្នុង​ភូមិវ៉ង ឃុំ​កាចូន ​ស្រុកវើនសៃ បណ្តាលឲ្យរង​របួសមនុស្សម្នាក់(របួសស្រាល)។

​ជនរង​គ្រោះឈ្នោះ វៀង ដំ ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករ​ជៀរជ័រ​កៅស៊ូក្រុមហ៊ុន​ម៉ាងយ៉ាង​បច្ចុប្បន្ន​ស្នាក់នៅ​ក្នុង​ក្រុមហ៊ុន បានត្រូវ​ជនសង្ស័យ​ចាក់មួយ​កាំបិតត្រូវ​ចំស្មាខាង​ស្តាំមួយ​កន្លែង​រងរបួស​ស្រាល​។ បានបញ្ជូន​ទៅកាន់​មន្ទីរពេទ្យ​បង្អែក​ស្រុក​ក្រោយ​ធ្វើសកម្មភាព​រួចជនសង្ស័យ​បានរត់​គេច​ខ្លួនបាត់ ។

បច្ចុប្បន្ន កម្លាំងជំនាញអធិការនគរបាលស្រុកវើនសៃ កំពុងធ្វើការស្រាវជ្រាវតាមនីតិវិធី៕

មតិយោបល់