ព័ត៌មានជាតិ

មន្ត្រី​យោធា​សក្ដិ​៤កន្លះ បើករថយន្តបុកបង្គោលភ្លើងនិងស្លាកសញ្ញា ក្រឡាប់របួសធ្ងន់!

ភ្នំពេញ: មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តម៉ាកឡិចស៊ីស​ ពណ៌​ស្ករ ​ពាក់​ស្លាកលេខ ​ភ្នំពេញ ​2D-1359 បើកបរដោយ​ មន្ត្រី​យោធា​សក្ដិ​៤កន្លះ ម្នាក់ បានបុកបង្គោលភ្លើងនិងស្លាកសញ្ញា ពេញទំហឹង បណ្តាលឲ្យក្រឡាប់ផ្ងារជើង រងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យសួគ៌ា ។​

ហេតុការណ៍នេះកើតឡើងនៅម៉ោង១២យប់ឈានចូលថ្ងៃទី១៥ ខែធ្នូ ឆ្នាំ២០១៨ តាមបណ្តោយផ្លូវ២១៧ ​សង្កាត់​ដង្កោ ​ខណ្ឌ​ដង្កោ​ រាជធានីភ្នំពេញ​។

ក្រោយកើតហេតុ មន្ត្រី​យោធា​សក្ដិ​៤កន្លះដែលរងរបួសត្រូវបានបញ្ជូនទៅសង្គ្រោះនៅមន្ទីរពេទ្យសួគ៌ា ។ ចំណែករថយន្តត្រូវបានសមត្ថកិច្ចវាស់វែងយករក្សាទុកនៅអធិការដ្ឋាននគរបាលខណ្ឌដង្កោ ដើម្បីរង់ចាំដោះស្រាយគ្នាតាមច្បាប់បន្តទៀត៕

មតិយោបល់