ផ្ទះ ព័ត៌មានជាតិ កម្លាំងនគរបាល...

កម្លាំងនគរបាល​ក្រុង​បង្ក្រាប​ឃាត់ខ្លួន​ជនសង្ស័យ​ម្នាក់​ ករណី​លួច​ម៉ូតូ​

0

​បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅ​ថ្ងៃ​ទី​០៦​ ខែកុម្ភ:​ ឆ្នាំ​២០២១​ កម្លាំង​ជំនាញ​ព្រហ្មទណ្ឌ​នៃ​អធិការដ្ឋាន​នគរបាល​ក្រុង​បាត់ដំបង​ បាន​ទទួល​ពាក្យបណ្តឹង​ពី​ឈ្មោះ​ អ៊ិ​ន​ គឹ​ម​ឃ​ន​ ភេទ​ស្រី​ អាយុ ​៤៥​ឆ្នាំ​ មាន​ទីលំនៅ​ភូមិ​វត្ត​រការ​ សង្កាត់​អូរ​ម៉ា​ល់​ ក្រុង​បាត់ដំបង​ ខេត្តបាត់ដំបង​ ថា​មាន​ករណី​លួច​មាន​ស្ថាន​ទម្ងន់ទោស​មួយ​កើតឡើង​ (​លួច​ម៉ូតូ​របស់​ខ្លួន​)​ នៅ​ចំណុច​ភូមិ​សង្កាត់​ខាងលើ​ ។​

​ក្រោយ​ពី​ទទួល​ពាក្យបណ្តឹង​ កម្លាំង​នគរបាល​ក្រុង​បាន​ធ្វើការ​ស៊ើបអង្កេត​ស្រាវជ្រាវ​ និង​មានការ​អនុញ្ញាត​លើ​ការ​បញ្ជា​ចាប់ខ្លួន​ពី​ឯកឧត្តម​ គឺ​ ប៊ុ​ណ្ណា​រ៉ា​ ព្រះរាជអាជ្ញា​អម​សាលាដំបូង​ខេត្ត​ ទើប​សមត្ថកិច្ច​ឈាន​ដល់​ការ​ឃាត់ខ្លួន​ជនសង្ស័យ​ ០១​នាក់​ឈ្មោះ​ ឆឺ​ត​ ឈៀប​ ភេទ​ប្រុស​ អាយុ ​២១​ឆ្នាំ​ មាន​ទីលំនៅ​ភូមិប​ល័​ង្គ​ សង្កាត់​វត្ត​គរ​ ក្រុង​បាត់ដំបង​ ខេត្តបាត់ដំបង​ មក​កាន់​អធិការដ្ឋាន​នគរបាល​ក្រុង​បាត់ដំបង​ដើម្បី​ធ្វើការ​សាកសួរ​ពាក់​ព​ន្ធ័​ករណី​អំពើ​លួច​ខាងលើ​ ។​

​ក្នុង​ការ​សួរ​ចម្លើយ​នេះ​ ជនសង្ស័យ​បាន​សារភាព​ថា​ ខ្លួន​ពិតជា​បាន​លួច​ម៉ូតូ​របស់​ជន​រង​គ្រោះ​ពិតប្រាកដ​មែន​ ។​ សម្ភារ:​ដកហូត​រួម​មាន​ ម៉ូតូ​ម៉ាក​ហុងដា​ឌ្រី​ម​ សេ​១២៥​ ពណ៌​ខ្មៅ​ សេរី​ឆ្នាំ​២០១០​ លេខ​តួ​និង​លេង​ម៉ា​ស៉ី​ន​ ND125ME-8458115​ ពាក់​ស្លាក​លេខ​ 1F-7655​។​

​បច្ចុប្បន្ន​ ជនសង្ស័យ​ត្រូវ​បាន​សមត្ថកិច្ច​ជំនាញ​កសាង​សំណុំរឿង​បញ្ជូន​ទៅ​សាលាដំបូង​ខេត្ត​ ដើម្បី​ចាត់ការ​តាម​នីតិវិធី​ច្បាប់​ ៕

មតិយោបល់