Post News Media ព័ត៌មានជាតិ និស្សិត​ច្បាប...

និស្សិត​ច្បាប់​ឆ្នាំ​ទី​២ នៅ​សាកល​វិទ្យាល័យ​នីតិសាស្ត្រ និង​វិទ្យាសាស្ត្រ​សេដ្ឋកិច្ចម្នាក់ ចង.កសម្លាប់ខ្លួន ដោយមិនដឹងមូលហេតុ

​ភ្នំពេញ: ​កាលពី​ម៉ោង​៣​ និង​៣៥នាទី​ទៀប​ភ្លឺ ថ្ងៃ​ទី​០៨ ខែមករា ឆ្នាំ​២០១៩ មានករណីផ្អើល​ឆោឡោ និស្សិត​ច្បាប់​ម្នាក់​ បាន​ចង​.​ក​សម្លាប់​ខ្លួន​ឯង ​នៅផ្ទះ​ម្តាយមីង ដោយ​ពុំ​ដឹង​ពី​មូលហេតុ​ នៅផ្ទះ​លេខ​១២A ផ្លូវ​៥១៤ សង្កាត់​បឹង​កក់​ទី​១ ខណ្ឌទួលគោក​។

ជនរងគ្រោះ​ឈ្មោះ ម៉េ​ង សៀង​ហ៊ុយ អាយុ​២២​ឆ្នាំ ជា​និស្សិត​ច្បាប់​ឆ្នាំ​ទី​២ នៅ​សាកល​វិទ្យាល័យ​នីតិសាស្ត្រ និង​វិទ្យាសាស្ត្រ​សេដ្ឋកិច្ច ស្នាក់​នៅ​១២A ផ្លូវ​៥១៤ សង្កាត់​បឹង​កក់​ទី​១ ខណ្ឌទួល​គោក ដែល​ជា​ផ្ទះ​របស់​ម្តាយមីង ​មានស្រុក​កំណើត​នៅ​ភូមិ​ទួល​ខ្សាច់ ឃុំ​ទន្លេ​បិត ស្រុក​ត្បូងឃ្មុំ ខេត្ត​ត្បូងឃ្មុំ​ ។

តាម​ការ​បំភ្លឺ​ពី​ឈ្មោះ សេង សៀង​ហៃ ដែល​ជា​កូន​ម្ចាស់ផ្ទះ ​បានឲ្យដឹង​ថា នៅ​មុន​កើតហេតុ បងជីដូនមួយ (​ជន​រង​គ្រោះ​) បាន​ហៅ​មិត្តភក្តិ​មក​ផឹកស៊ី​នៅផ្ទះ​ជាន់​ទី​២ រហូត​ដល់ម៉ោង ១២ និង៣០នាទីអធ្រាត្រទើប​ចប់ ​ហើយក៏​បែក​ហ្វូង​ទៅ​ផ្ទះ​រៀង​ៗ​ខ្លួន ។

លុះ​រហូត​ដល់​ម៉ោងកើតហេតុខាងលើ គាត់ (បងជីដូនមួយ​ជន​រង​គ្រោះ​)​ បាន​ក្រោក​ពី​ដំណេក​ រួច​ឡើង​ទៅ​ជាន់​ទី​២ ស្រាប់តែ​ឃើញ​បងជីដូនមួយ​ ចង​.​ក ​ទើប​ស្រែកឆោទ្បោឲ្យ​បងប្អូន​ជួយ​ជនរងគ្រោះ និង​ដឹកយក​ទៅ​សង្គ្រោះ​បន្ទាន់ ​នៅ​គ្លីនិក​អង់​តែ​ន​ តែជាអកុសល នៅ​ពេល​ទៅ​ដល់ ​គ្រូពេទ្យ​បាន​ប្រាប់​ថា ជនរងគ្រោះ​ស្លាប់​បាត់​ទៅ ក៏​បាន​ដឹក​សព​មក​ផ្ទះ​វិញ រួច​រាយ​ការ​ណ៏​មកសមត្ថកិច្ច។

ក្រោយទទួលបានដំណឹងនេះភ្លាម សមត្ថកិច្ចបានចុះ​ត្រួតពិនិត្យ ឃើញថាសព​ជន​រង​គ្រោះ ​ពិតជា​ស្លាប់​ដោយសារ​ចង​.​ក​​ប្រាកដ​មែន​ រួចក៏​ប្រគល់​សព​ជូន​សាច់ញាតិ​ យក​ទៅ​ធ្វើបុណ្យ​តាម​ប្រពៃណី​​៕