កំពង់ស្ពឺ: កាលពីវេលាម៉ោង ៥ល្ងាចនាទីថ្ងៃទី១១ ខែមករា ឆ្នាំ២០១៩ មានករណីឃាត់ខ្លួនជនសង្ស័យម្នាក់ ជាប់ពាក់ព័ន្ធនឹងបទល្មើសលួចម៉ូតូ នៅចំណុចចម្ការអំពៅគូលែន ក្នុងក្រុមហ៊ុនភ្នំពេញស៊ូហ្គ័រ ភូមិអូរអង្គុំ ឃុំអមលាំង ស្រុកថ្ពង។
ម៉ូតូលួចម៉ាក អិចស៊ីធ័រ ពណ៌លឿងលាយទឹកក្រូច មិនមានស្លាកលេខម្ចាស់ឈ្មោះ ស៊ុម សម្រេច ភេទប្រុស អាយុ ១៨ ឆ្នាំ នៅភូមិអូរអង្គំ ឃុំអមលាំង ស្រុកថ្ពង មុខរបរ បើកត្រាក់ទ័រភ្ជួរដីឲ្យក្រុមហ៊ុន។
សមត្ថកិច្ច បានឲ្យដឹងថា មុនកើតហេតុម្ចាស់បានយកម៉ូតូ ទៅទុកក្នុងឃ្លាំង រួមជាមួយម៉ូតូផ្សេងទៀត បន្ទាប់មកក៏ចេញដំណើរ បើកត្រាក់ទ័រទៅភ្ជួរដី
លុះវិលត្រឡប់មកវិញមិនឃើញម៉ូតូ ក៏មករាយការណ៍ និងដាក់ពាក្យបណ្ដឹងសមត្ថកិច្ចតែម្ដង។
ក្រោយទទួលបណ្ដឹងភ្លាមជំនាញបានស្រាវជ្រាវបន្ទាន់ ហើយកំណត់បានមុខសញ្ញាច្បាស់ គឺជនសង្ស័យឈ្មោះ ភន រ៉ែក ភេទប្រុស ១៨ឆ្នាំនៅ ភូមិព្រែក ឃុំអមលាំង ស្រុកថ្ពង។
លុះដល់ម៉ោង ៣និង៣០នាទីថៃ្ងខែឆ្នាំដដែលដោយមានកិច្ចសហការ ជាមួយកម្លាំងជំនាញយុត្តិធម៌ស្រុកសាមគ្គីមានជ័យខេត្តកំពង់ឆ្នាំងទើបចាប់ឃាត់ខ្លួនជនសង្ស័យ រួមនឹងវត្ថុតាងម៉ូតូជនរងគ្រោះ នៅចំណុចភូមិគិរីអភិឌ្ឍន៍ជំរាយ ឃុំឈានឡើង ស្រុកសាមគ្គីមានជ័យ រួចបញ្ជូនមកអធិការដ្ឋាននគរបាលស្រុក កសាងសំណុំរឿងបញ្ជូនទៅការិយាល័យជំនាញព្រហ្មទណ្ឌខេត្ដ ចាត់ការតាមនីតិវិធីច្បាប់៕
មតិយោបល់