Post News Media ព័ត៌មានជាតិ ចោរជំនាញខាងលួ...

ចោរជំនាញខាងលួច ត្រូវ​សមត្ថកិច្ចបង្រ្កាបបាន!

ភ្នំពេញ: កាលពីវេលាម៉ោង១១ ថ្ងៃទី​១៥ ខែ​មករា ឆ្នាំ​២០១៩ កម្លាំងជំនាញរបស់ការិយាល័យ បានស្រាវជ្រាវឃាត់ខ្លួនជនសង្ស័យម្នាក់ នៅចំណុចផ្លូវសុកហុក សង្កាត់អូរឬស្សីទី៣ ខណ្ឌ៧មករា រាជធានីភ្នំពេញ ដែលពាក់​ព័ន្ធប្រព្រឹត្តបទល្មើស ចំនួន​៣ករណី​​៖ ១​ករណី​អំពើលួច ម៉ូតូម៉ាក ហុងដា សេ១២៥ ពណ៌ ខ្មៅ ឆ្នាំផលិត ២០១៤ មិនចាំស្លាកលេខ ប្រព្រឹត្តនៅចំណុចផ្សារសំរោង ផ្លូវជាតិលេខ៦៨ សង្កាត់ សំរោង ក្រុងសំរោង ខេត្តឧត្តរមានជ័យ កាលពីថ្ងៃទី​០៩ ខែមករា ឆ្នាំ២០១៩ វេលាម៉ោងប្រហែល ២០​និង ០០ នាទី។ ទី២​​អំពើលួច (ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ1HK-0762 ប្រព្រឹត្តនៅចំណុចក្បែរវត្តមិនស្គាល់ឈ្មោះ ស្ថិតនៅផ្លូវជាតិលេខ៦ ចេញពីទីរួមខេត្តកំពង់ធំ នៅថ្ងៃទី ១៣ ខែ មករា ឆ្នាំ ២០១៩ វេលាម៉ោង ០១ និង ១០ នាទី រំលងអាធ្រាត។ និងទី៣​-អំពើប្រើប្រាស់ស្លាកលេខម៉ូតូក្លែង (ស្លាកលេខ ភ្នំពេញ1HK-0762​ និងស្លាកលេខ កំពង់ចាម1U-9578 ប្រព្រឹត្តនៅចំណុចផ្លួវសុកហុក សង្កាត់អូរឬស្សីទី៣ ខណ្ឌ៧មករា រាជធានីភ្នំពេញ កាលពីថ្ងៃទី ១៥ ខែ មករា ឆ្នាំ ២០១៩ វេលាម៉ោង ១១ និង ០០ នាទី
និងចាប់យកម៉ូតូទាំង២គ្រឿង បញ្ជូនមកកាន់ការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ ដើម្បីធ្វើការសាកសួរ មាន ៖
ជនសង្ស័យឈ្មោះ ថេត រ៉េត ភេទ ប្រុស អាយុ ៣៨ ឆ្នាំ មុខរបរ រត់ម៉ូតូឌុប ស្នាក់នៅ មិនពិតប្រាកដ។

វត្ថុតាងចាប់យក៖ ម៉ូតូហុងដាហ្ស៊ូម័រ ពណ៌ស លាយខ្មៅ ស៊េរីឆ្នាំ​២០១៧ ពាក់ស្លាកលេខ កំពង់ចាម1U-9578 ,ម៉ូតូម៉ាកហុងដា សេ១២៥ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ1HK-0762 ,មួកសុវត្ថិភាព ពណ៌ ស ចំនួន​១។
បច្ចុប្បន្នជនសង្ស័យ និងវត្ថុតាងខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕