ភ្នំពេញៈ រថយន្តស៊េរីទំនើប Mercedes មួយគ្រឿង ត្រូវបានអគ្គិភ័យឆាបឆេះបណ្តាលឲ្យខូចខាតស្ទើរទាំងស្រុង ខណៈដែលម្ចាស់ចតទុកចោលក្នុងផ្ទះវីឡាលេខ១៩ ផ្លូវ បេ០៧ ក្នុង បូរី ប៉េង ហួត ភូមិបឹងស្នោរ សង្កាត់និរោធ ខណ្ឌច្បារអំពៅ រាជធានីភ្នំពញ កាលពីវេលាម៉ោង១២ថ្ងៃត្រង់ទី២៤ ខែមករា ឆ្នាំ២០១៩ ។
បើតាមសម្តីម្ចាស់រថយន្តបានឲ្យដឹងថា មុនពេលកើតហេតុ គឺរថយន្តរបស់ខ្លួនម៉ាកMercedes ដែលរងកាឆាបឆេះនេះគឺចតទុកចោលនៅក្នុងផ្ទះជាច្រើនថ្ងៃមកហើយ ដោយមិនបានជិះចេញទៅណាទេ ស្រាប់តែថ្ងៃនេះមិនដឹងថាឆ្លងចរន្តអ្វីឬក៏មូលហេតុអីទេ ក៏ឆេះឡើងយ៉ាងសន្ធោសន្ធៅតែម្តង៕
មតិយោបល់