ផ្ទះ ព័ត៌មានជាតិ ចេញពីផឹកស៊ី ប...

ចេញពីផឹកស៊ី ប្រុងជិះម៉ូតូទៅផ្ទះ ត្រូវបុរសម្នាក់ ដកកាំងភ្លើងភ្ជង់ និងវាយ កើតទុក្ខមិនសុខចិត្ត ក៏ប្ដឹងសមត្ថកិច្ចទាំងមេឃមិនទាន់ភ្លឺ

0

ភ្នំពេញ: យុវជនម្នាក់ បានមកប្ដឹងសមត្ថកិច្ច​ បន្ទាប់ពីត្រូវបុរសម្នាក់ទៀត ដកកាំភ្លើងភ្ជង់ហើយគំរាម រួមទាំងទះ​​ខ្លួន និងមិត្តភក្ដិខ្លួនម្នាក់២កំផ្លៀង ហើយត្រលប់ទៅបើករថយន្ត​ចេញទៅ ធ្វើព្រងើយ។

ហេតុការណ៍នេះ បានកើតទ្បើង​នៅវេលាម៉ោង​០៤និង១០នាទីទៀបភ្លឺ​ ឈានចូលថ្ងៃទី០៧ ខែកុម្ភ:​ ឆ្នាំ២០១៩ នៅចំណុចកន្លែងលក់ស្រាក្រឡុកមួយកន្លែង ស្ថិតនៅក្រោយព្រះបរមរាជវាំង ផ្លូវលេខ២១៤​ កែងផ្លូវលេខ១៩ ក្នុងសង្កាត់ជ័យជម្នះ ខណ្ឌដូនពេញ​ រាជធានីភ្នំពេញ​។

យុវជនរងគ្រោះ​ឈ្មោះ​ រុណ ហុង​ ហៅញាញ អាយុ២២ឆ្នាំ​ មុខរបរចុងភៅនៅសណ្ឋាគារមួយក្នុងខណ្ឌដូនពេញ ស្នាក់នៅបន្ទប់ផ្ទះជួល​​ សង្កាត់ផ្សារកណ្ដាល​ ខណ្ឌដូនពេញ​ ភ្នំពេញ។ ចំណែកយុវជនម្នាក់ទៀត​ជាមិត្តភក្ត មិនត្រូវបានស្គាល់អត្តសញ្ញាណនោះទេ។

តាមការរៀបរាប់របស់យុវជនរងគ្រោះ ប្រាប់សមត្ថកិច្ចថា មុនពេលកើតហេតុ​ គាត់បានមកហូបអីជាមួយមិត្តភក្តិ៣នាក់ទៀត​ នៅម្ដុំក្រោយព្រះបរមរាជវាំង ដោយបាន​ជជែកគ្នាអំពីបាល់ទាត់​ យ៉ាងសប្បាយ លុះពេលផឹកអស់៣ថូ​ គាត់បានលូកដៃយកទូរស័ព្ទពីមិត្តភក្តិ មកមើលបាល់ទាត់ តែជ្រុលប៉ះថូដាក់ស្រា​ បណ្ដាលឲ្យធ្លាក់បែកថូអស់១​ ទើបភ្ញាក់ផ្អើលដល់អ្នកអង្គុយផឹកជិតនោះ​ ហើយក៏បានប្រាប់ឱ្យគេមកគិតលុយ​ រួចនាំគ្នាត្រលប់ទៅផ្ទះមុន ជាមួយមិត្តភក្តម្នាក់ទៀត។​ ខណ:កំពុងអូសម៉ូតូចេញ​ ស្រាប់តែមានបុរសម្នាក់​ ដើរយ៉ាងលឿនចេញពីកន្លែងផឹកស៊ីនោះដែរ​ រួចទៅយកកាំភ្លើងខ្លីមួយដើម​ (មិនស្គាល់ម៉ាក​) ពីក្នុងរថយន្ត​ TOYOTA PRIUS ពណ៌ស​ មួយគ្រឿង​ (មិនចាំស្លាកលេខ​) ហើយសៀតចង្កេះ ដើរត្រលប់មករកពួកគេវិញ​ រួចស្រែកគំរាបថា «ហ៊ែងមើលមុខសង្សារអញ​ ចង់ញ៉ែសង្សារអញមែន? នៅពេលនោះ គាត់បាតបវិញថា​ អត់ទេបង​ ខ្ញុំមិនដឹងអីសោះ ស្រាប់តែបុរសម្នាក់នោះ​ ទះ​​រូបគាត់ចំនួន២កំផ្លៀង ដោយគាត់លើកដៃរង​ ហើយ​បុរសម្នាក់​នោះ​ បានយកកាំភ្លើងខ្លីដែលសៀតជាប់ចង្កេះនោះ​ អាមេ​ រួចបម្រុងវាយទៅលើមិត្តភក្តិរបស់គាត់ ទើបមិត្តគាត់ក៏លើកដៃរង ហើយក៏ត្រូវបុរសម្នាក់នោះ​ យកដៃមកវាយមិត្តគាត់ចំនួន ២ដៃចំក្បាលពីក្រោយ​ ចង់ផ្កាប់មុខ​ ហើយកាន់កាំភ្លើងដើរត្រលប់ទៅបើករថយន្ត​ចេញទៅបាត់តែម្ដង​ ។

ក្រោយកើតហេតុយុវជនរងគ្រោ ​បានមកដាក់ពាក្យបណ្ដឹង នៅប៉ុស្តិ៍នគរបាលរដ្ឋបាលជ័យជម្នះ​ នៃអធិការដ្ឋាននគរបាលខណ្ឌដូនពេញ​ ដើម្បីឱ្យជួយស្រាវជ្រាវ​ តាមចាប់បុរសដៃដល់នោះ​ មកផ្ដន្ទាទោសតាមផ្លូវច្បាប់៕

Loading...

Leave a Reply

This site uses Akismet to reduce spam. Learn how your comment data is processed.