ក្លិបចចកព្រៃ Roma ត្រូវបានគេអះអាងថា កំពុងតែមានទំនាក់ទំនងលើការនាំយកខ្សែការពារ Stephan Lichtsteiner ពីក្លិបសេះបង្កង់ Juventus ។កីឡាករវ័យ៣០ឆ្នាំរូបនេះបានចំណាយពេល៣រដូវកាលលេងឲ្យក្លិបសេះបង្កង់ហើយបានជួយឲ្យក្លិបឈ្នះជើងឯក Serie A ៣លើកជាប់ៗគ្នាផងដែរ។ ប៉ុន្តែទោះបីជាយ៉ាងណាក៏ដោយ រូបគេ នៅមិនទាន់យល់ព្រមបន្តកិច្ចសន្យាថ្មីជាមួយក្លិបឡើយខណៈដែលកិច្ចសន្យាចាស់នឹងត្រូវបញ្ចប់នៅ រដូវក្តៅក្រោយ ។យោងតាមសារព័ត៌មាននៅក្នុងប្រទេសអ៊ីតាលីបានផ្សព្វផ្សាយថា ក្លិប Roma នឹងដាក់សំណើរ ដែលមានតម្លៃពលកម្មប្រមាណ២.២៥លានផោនក្នុងមួយឆ្នាំដល់ Lichtsteiner ហើយគោលបំណង ដើម្បីនាំយករូបគេមកជំនួសតំណែងរបស់ខ្សែការពារ Maicon ។គួរបញ្ជាក់ថា Lichtsteiner បានបង្ហាញខ្លួន៦៨ប្រកួតឲ្យក្រុមជម្រើសជាតិស្វីសហើយរូបគេក៏ បានចូលលេងផងដែរក្នុងការប្រកួត World Cup នៅប្រទេសប្រេស៊ីល ៕
ព័ត៌មានជាតិ
មតិយោបល់