កណ្ដាល: កាលពីវេលាម៉ោង៥ និង ៤៥នាទីល្ងាចថ្ងៃទី១៣ ខែកុម្ភ: ឆ្នាំ២០១៩ មានករណីស្ត្រីម្នាក់ខ្យល់គស្លាប់ ត្រង់ចំណុចផ្ទះ ឈ្មោះ ប៉ុន ប៉ិច នៅភូមិផ្លូវត្រី ឃុំថ្មគរ ស្រុកល្វាឯម ខេត្តកណ្តាល។
ជនរងគ្រោះឈ្មោះ ឌុម សុខុម ភេទស្រី អាយុ៣៧ ឆ្នាំ ជាតិខ្មែរ មុខរបរ កសិករ ទីលំនៅភូមិព្រែកក្មេង ឃុំព្រែកក្មេង ស្រុកល្វាឯម ខេត្តកណ្តាល។
សមត្ថកិច្ច បានឲ្យដឹងថា នៅថ្ងៃទី៣១ ខែកុម្ភ: ឆ្នាំ២០១៩ ជនរងគ្រោះ បានចេញពីផ្ទះខ្លួន នៅភូមិព្រែកក្មេង មកនៅផ្ទះម្តាយបង្កើតឈ្មោះ ប៉ុន ប៉ិចនៅភូមិផ្លូវត្រី (ដោយសារមានជំងឺប្រចាំកាយផង)។
កន្លងមកជនរងគ្រោះតែងតែផឹកស្រាជាប្រចាំ ព្រមទាំងមិនបានហូបបាយ ហូបទឹកទេ។ លុះដល់ថ្ងៃទី១៣ ខែកុម្ភ: ឆ្នាំ២០១៩ ជនរងគ្រោះ បានចូលទៅសម្រាន្ត នៅក្នុងផ្ទះបាយ រហូតដល់ម៉ោង៥និង៤៥ នាទីល្ងាចម្តាយចូលទៅមើល ទើបដឹងថាកូនបានស្លាប់ទៅហើយ រួចក៏បានរាយការណ៍ ទៅសមត្ថកិច្ចប៉ុស្តិ៍។
ក្រោយទទួលបានដំណឹងភ្លាម កម្លាំងជំនាញ និងប៉ុស្តិ៍នគរបាលរដ្ឋបាលថ្មគរ លោកមេឃុំ លោកមេភូមិ លោកគ្រូពេទ្យមណ្ឌលសុខភាពថ្មគរ បានធ្វើការពិនិត្យសាកសព ឃើញពុំមានស្លាកស្នាមអ្វីគួរឲ្យកត់សម្គាល់ ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់