ភ្នំពេញៈ បុរសម្នាក់ស្រវឹងស្រាជោគជាំ បានបើករថយន្តបុកកក្បាលនាគទ្រូងពុះចែកផ្លូវ បណ្ដាលឲ្យបាក់អស់មួយកង់ និងរថយន្តរងការខូចខាតដាច់កង់ឆ្វេងទៅមុខលែងរួច។
ហេតុការណ៍នេះ បានកើតនៅវេលាម៉ោង១១ និង៤០នាទីយប់ថ្ងៃទី១៤ ខែកុម្ភៈ ឆ្នាំ២០១៩ តាមបណ្ដោយផ្លូវព្រះមន្នីវង្ស កែងផ្លូវភ្លោះអូឬស្សី ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ។
ប្រភពពីកន្លែងកើតហេតុ បានឲ្យដឹងថា រថយន្តមួយម៉ាកកាមរីហាយព្រីត ពណ៌ស្ករ ពាក់ស្លាក់លេខ ភ្នំពេញ 2U-5042 បើកបរដោយបុរសម្នាក់ ក្នុងស្ថានភាពស្រវឹងមានទិសដៅពីត្បូងទៅជើងក្នុងល្បឿនលឿន។មកដល់ចំណុចកើតហេតុ ស្រាប់តែរេចង្កូតទៅបុកក្បាលនាគទ្រូងពុះចែកផ្លូវ បាក់អស់ចំនួន១កង់ រីឯរថយន្តរងការខូចខាតដាច់កង់ខាងឆ្វេង បើកទៅមុខលែងរួច ចំណែកម្ចាស់រថយន្តស្រវឹងខ្លាំងពេក ក៏ដេកលង់លក់ក្នុងរថយន្តតែម្ដង។
ក្រោយកើតហេតុសមត្ថកិច្ចមូលដ្ឋាន បានទំនាក់ទំនងទៅមន្រ្តីជំនាញចរាចរណ៍ជើងគោក ដើម្បីវាស់វែង និងស្ទួចរថយន្តទៅរក្សាទុក នៅឯស្នងការនគរបាលរាជធានីភ្នំពេញ រងចាំម្ចាស់រថយន្តដោះស្រាយនៅពេលក្រោយ៕
![](https://i0.wp.com/postnews.com.kh/wp-content/uploads/2019/02/photo_2019-02-15_07-48-13.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/02/photo_2019-02-15_07-48-18.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/02/photo_2019-02-15_07-48-23.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/02/photo_2019-02-15_07-48-26.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/02/photo_2019-02-15_07-48-29.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/02/photo_2019-02-15_07-48-32.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/02/photo_2019-02-15_07-48-38.jpg?fit=1000%2C750&ssl=1)
មតិយោបល់