កំពង់ឆ្នាំង: កាលពីវេលាម៉ោង៥ និង៣០នាទីល្ងាចថ្ងៃទី១៩ ខែកុម្ភ: ឆ្នាំ២០១៩ មានករណីអគ្គិភ័យឆេះផ្ទះប្រជាពលរដ្ឋ
នៅភូមិត្រពាំងខ្ទុំ ឃុំឈូក ស្រុកកំពង់ត្រទ្បាច ខេត្តកំពង់ឆ្នាំង។
ម្ចាស់ផ្ទះខាងលើ ឈ្មោះ ឯល ហូសាន់ ភេទប្រុសអាយុ ២៥ឆ្នាំ អំទ្បុងពេលកើតហេតុ មិននៅផ្ទះទេ ទៅនេសាទត្រី ចំណែកប្រពន្ធឈ្មោះ ទាំហ្វាស់ អ៊ីសះ បានទៅភ្នំពេញ។ ផ្ទះដែលត្រូវអគ្គិភ័យនេះ មានទំហំ ៨x៦ ម៉ែត្រ ប្រក់ក្បឿង ជញ្ជាំងក្តារ ថ្មក្រោម។
មូលហេតុ៖ សង្ស័យទុសេខ្សែភ្លើង។ សម្ភារ:ខូចខាតរួមមាន៖ ពុំទាន់ដឹងទេ ព្រោះម្ចាស់ផ្ទះមិននៅ។
ករណីនេះ កម្លាំងសមត្ថកិច្ចបានប្រើប្រាស់ រថយន្តពន្លត់អគ្គិភ័យអស់ទឹកចំនួន២រថយន្ត ទើបអាចពន្លត់បានទាំងស្រុង៕
មតិយោបល់