Post News Media ព័ត៌មានជាតិ ​ជនសង្ស័យ​ម្ន...

​ជនសង្ស័យ​ម្នាក់​ឆក់​ទូរស័ព្ទ​ដៃ​ ត្រូវម្ចាស់ដណ្ដើមបានវិញ មានអី…

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​២៧​ ខែកុម្ភ:​ ឆ្នាំ​២០១៩​ វេលា​ម៉ោង​១១​និង​៤០​នាទី​ កម្លាំង​ប៉ុស្តិ៍​នគរបាល​រដ្ឋបាល​ស្រះ​ចក​នៃ​អធិការដ្ឋាន​នគរ​ បាល​ខណ្ឌដូនពេញ​ បាន​ឃាត់ខ្លួន​ជនសង្ស័យ​ម្នាក់​ (​ក្នុង​ចំណោម​បក្ខពួក​២​នាក់​)​ ពី​បទ​លួច​មាន​ស្ថាន​ទម្ងន់ទោស ​ប្រើ​អំពើ​ហិង្សា ​(​ជិះ​ម៉ូតូ​ឆក់​ទូរស័ព្ទ​ដៃ​)​ នៅ​ចំណុច​មុខ​ក្រសួងព័ត៌មាន​ផ្លូវ​ព្រះ​មុន្នី​វង្ស​ ភូមិ​ទី​០៦​ សង្កាត់​ស្រះ​ចក​ ខណ្ឌដូនពេញ​ រាជធានី​ភ្នំពេញ​។​

​ជនសង្ស័យ​ដែល​ឃាត់ខ្លួន​ឈ្មោះ​ សឹង​ ឌី​ណា​ ភេទ​ប្រុស​ អាយុ​២០​ឆ្នាំ​ ជនជាតិ​ខ្មែរ​ មុខរបរ​ មិន​ពិតប្រាកដ​មាន​ទីលំនៅ​មិន​ពិតប្រាកដ​។​

​វត្ថុ​តាង​ចាប់​យក​ ៖​ ម៉ូតូ​មួយ​គ្រឿង​ម៉ាក​ C125​ពណ៌​ខ្មៅ​ ពាក់​ស្លាក​លេខ​ ភ្នំពេញ​ 1CK-2061​ (​ជា​របស់​ជនសង្ស័យ​ ជិះ​ធ្វើ​សកម្មភាព​ឆក់​)​។​

​ជន​រង​គ្រោះ​ឈ្មោះ​ មិន​ស្គាល់​ ភេទ​ស្រី​ អាយុ​ប្រហែល​៣០​ឆ្នាំ​ជនជាតិ​ខ្មែរ​ មិន​បាន​ដាក់​ពាក្យបណ្តឹង ​បន្ទាប់​ពី​ដណ្តើម​ទូរស័ព្ទ​ដៃ​ បាន​វិញ​ហើយ​ឡើង ​ជិះ​ម៉ូតូ​ចេញ​ទៅ​បាត់​។​

​ចំពោះ​មុខ​កម្លាំងជំនាញ​ប៉ុស្តិ៍​ ខណ្ឌ​កំពុង​ប្រើប្រាស់​វិធានការ​ជំនាញ​សួរ​ចំលើយ​រក​បក្ខពួក​ និង​ប្រវត្តិ​សកម្មភាព​ប្រព្រឹត្ត​បទល្មើស​កន្លង​មក​ ។​ ជនសង្ស័យ​ធ្លាប់​ប្រើប្រាស់​គ្រឿងញៀន​រយ:ពេល​ជាង​១​ឆ្នាំ​ហើយ​៕

Loading...