បាត់ដំបងៈ យុវជនម្នាក់បានដើរជាន់មីនសល់ពីសម័យសង្គ្រាម បណ្ដាលឲ្យផ្ទុះដាច់ប្រអប់ជើងម្ខាងរងរបួសធ្ងន់ កាលពីវេលាម៉ោង១០និង៤៧នាទីព្រឹកថ្ងៃទី០៧ ខែតុលា ឆ្នាំ២០១៦ ខណៈដើរទៅមើលដំណាំស្រូវរបស់ខ្លួន ស្ថិតនៅភូមិវាលរលឹម ឃុំតាតោត ស្រុកសំឡូត ខេត្តបាត់ដំបង។

ប្រភពអ្នកឃើញហេតុការណ៍បានឲ្យដឹងថា ជនរងគ្រោះឈ្មោះ ង៉ែត សែត អាយុ២៥ឆ្នាំ រស់នៅភូមិអូរននោង ឃុំតាតោក ស្រុកសំឡូត ខណៈជនរងគ្រោះបានដើរទៅមើលដំណាំស្រូវក្នុងចម្ការរបស់ខ្លួន ក៏ដើរជាន់គ្រាប់មីនប្រភេទមីនស្គរកប់ ដែលសេសសល់នៅក្នុងដីបណ្ដាលឲ្យផ្ទុះដាច់ប្រអប់ជើងឆ្វេង ហើយត្រូវបានក្រុមកម្លាំងបោសសម្អាតគ្រាម់មីនជួយដឹកបញ្ជួនទៅកាន់មន្ទីពេទ្យភ្លាមៗដែរ។ ជនរងគ្រោះមិនបានបាត់អាយុជីវិតឡើយ គ្រាន់តែរងគ្រោះធ្ងន់៕