ភ្នំពេញ: ទីបំផុតនៅរសៀលថ្ងៃទី១២ ខែមីនា ឆ្នាំ២០១៩ ចៅក្រមស៊ើបសួរសាលាដំបូងរាជធានីភ្នំពេញ សម្រេចចេញដីកាឃុំខ្លួន លោកឧកញ៉ា គិត ធាង ម្ចាស់ក្លិបកម្សាន្តរ៉ុកហើយ ដោយនាំខ្លួនដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទសម្រួលទីតាំងឱ្យប្រព្រឹត្តបទល្មើសគ្រឿងញៀន ដោយខុសច្បាប់។
សូមជំរាបថា លោកឧកញ៉ា គិត ធាង ត្រូវបានឃាត់ខ្លួនកាលពីវេលាម៉ោងប្រហែល៥ល្ងាចថ្ងៃទី១១ មីនា ដោយកម្លាំងសមត្ថកិច្ចនគរបាលការិយាល័យព្រហ្មទណ្ឌរាជធានីភ្នំពេញ ក្នុងភូមិគ្រឹះរបស់លោកលេខ១៤ ផ្លូវ២៨៧ សង្កាត់បឹងកក់ទី១ ខណ្ឌទួលគោក។
ដោយការឃាត់នេះ បានធ្វើទ្បើងតាមដីកាបង្គាប់ឱ្យនាំខ្លួនរបស់លោក សេង លាង ចៅក្រមស៊ើបសួរសាលាដំបូងរាជធានីភ្នំពេញ៕
មតិយោបល់