ភ្នំពេញ៖ ក្រុមបាល់ទាត់ Basak ដែលជាក្រុមខ្លាំងនៅកំពូលតារាង នៃពានរង្វាន់ Home Sport League កាលពីម្សិលមិញនេះបានបើកទីលាន បាល់ទាត់ដំរីស ជួបជាមួយនឹងក្រុមថ្មី Kingdom FC
ដោយលទ្ធផលស្មើ ២ ទល់នឹង ២ ទាំងបុកពោះ ។
ក្រុមបាល់ទាត់ Basak ដែលដឹកនាំ និងចូលរួមលេងដោយសែស្រឡាយស្តេច នោះ មុនការប្រកួត បានអួតក្អេងក្អាង ទាំងលក្ខណៈខុសបច្ចេកទេស ថានឹងលុត Kingdom FC ក្នុងលទ្ធផល ៣ ទល់នឹង ០ ។
នៅតង់ទី ១ ក្លិប Kingdom FC បានដាក់ ១១នាក់ដំបូង និងជាកីឡាករជម្រើសទី ២ សុទ្ធតែជាអ្នកចាប់ទឹកកក បម្រើទឹកកក និងជាចុងភៅ របស់ Kingdom FC តែប៉ុណ្ណោះ ដែលជាហេតុធ្វើឲ្យ Basak បានចិត្ត អួតក្អេងក្អាង ថាលុត ៣ ឬ៤ ទល់នឹង ០ ។
វាជាការពិតណាស់ នៅពេលដែល Basak លេងជាមួយនឹងអ្នកចាប់ទឹកក និងជាជម្រើសទី ២ របស់ Kingdom FC ១០ នាទីដំបូង បានបំប៉ោងសំណាញ់ Kingdo FC ២ ទល់នឹង ០ ។ តែទោះជាយ៉ាង Kingdom FC មិនបានឲ្យក្រុមនេះ មើលងាយបន្តឡើយ ដោយប្តូរកីឡាករ មានអាជីពចាប់ទឹកកកចេញ ដាក់ជំនួសវិញ ជើងខ្លាំង ប្រចាំ Kingdom FC និងជាជម្រើសទី ១ ដោយអាចស្តារពិន្ទុ ២ ទល់នឹង ១ នៅក្នុងក្នុងតង់ទី១។
ក្រោមយុទ្ធសាស្ត្រថ្មី ពីអ្នកដឹកនាំ លោក សួន ពន្លក និងជំនួយការ បានប្តូរ កីឡាករជំនាញចាប់ទឹកកក ៥ នាក់ចេញ ដាក់មកវិញ អ្នកខ្លាំង ៥ នាក់ នៅតង់ទី ២ សឹងតែធ្វើឲ្យ Basak គ្មានសាច់បាល់លេង ។ នៅតង់ទី ២ សាច់បាល់ Kingdom FC បានគ្របដណ្តប់ ១០ លើ ៣ ដែលជាដើមចម ធ្វើឲ្យ Basak គ្មានសាច់បាល់លេង ដូចអ្វីដែលខ្លួនអួតនៅដើមតង់ទី ១ ។
នៅនាទី ៦៨ កីឡាករ ស៊ឹម កុសល ដែលធ្លាប់តែលេងខ្សែរការពារជួរមុខ Kingdom បែរជាមកលេងស្លាបបម្រើ បានស៊ុតបង្ហើរ ពីចម្ងាយ ប្រហែល ២៧ ម៉ែត្រ ហោះសៀរៗនៅអង្គទី ២ នៃរបារទីខាងលើ ធ្វើឲ្យ អ្នកចាំទី Basak គ្មានលទ្ធភាពសង្គ្រោះបាល់ និងជាឱកាស ២ ស្មើ តែម្តង។ អ្វីដែលគួរឲ្យសោកស្តាយរបស់ Kingdom FC គឺនៅនាទី ៨០ ទៅហើយ មានឱកាស បាល់ដាច់ ស្មើ ១ ទល់នឹង ១ជាមួយនឹងអ្នកចាំទី និងជាឱកាស Basak ទឹកភ្នែក តែ ខ្សែប្រយុទ្ធ Kingdom FC ពាក់ស្លាកលេខ ១៦ ធ្វើមិនបានសម្រេច ខណៈទីលានរដេរដុប នោះ ៕
Kingdom FC ឯកសណ្ឋាន ពណ៌លឿង និង Basak អាវពណ៌ ខៀវ
មតិយោបល់