Post News Media ព័ត៌មានជាតិ អុញនោះ! លោក​ ...

អុញនោះ! លោក​ លឹ​ម​ តុង​ហួត​ ប្រាប់​បុគ្គលិក​ ក្លឹ​ប​កម្សាន្ត​អេ​ប៉ិច​១​ (Epic​ I)​ ត្រូវ​ជៀស​ឲ្យ​ឆ្ងាយ​កុំ​ពាក់ព័ន្ធ​ នឹង​បញ្ហា​គ្រឿងញៀន​ គ្រប់​ប្រភេទ​

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា រសៀល​ថ្ងៃ​ទី​៨​ ខែមេសា​ ឆ្នាំ​២០១៩​ នាយកដ្ឋាន​ជំនាញ​ នៃ​អគ្គលេខាធិការដ្ឋាន​អាជ្ញាធរ​ជាតិ​ប្រឆាំង​គ្រឿងញៀន​ សហការ​ជាមួយ​ ក្រុមហ៊ុន​(​អ៊ែ​ត​អេ​ប៉ិច​ឌែ​ន​ស៊ី​ង​ អ៊ែន​ អ៊ិ​ន​ធ​រ័​ធែ​ន​មែន​)​ @Epicdancing​ &​ Entertainment​ មាន​រៀបចំ​ពិធី​ផ្សព្វផ្សាយ​ពី​បញ្ហា​គ្រឿងញៀន​ដល់​បុគ្គលិក​ក្រោម​វត្តមាន​លោក​លឹ​ម​ តុង​ហួត​ ប្រធាន​នាយកដ្ឋាន​នីតិកម្ម​ អប់រំ​ និង​ស្តារ​នីតិសម្បទា​ និង​លោក​ប៉ាវ​ វ៉ា​នី​រ៉ុ​ង​ តំណាង​ក្រុមហ៊ុន​អ៊ែ​ត​អេ​ប៉ិច​ឌែ​ន​ស៊ី​ង​ អ៊ែន​ អ៊ិ​ន​ធ​រ័​ធែ​ន​មែន​ នៅ​ក្លឹ​ប​កម្សាន្ត​អេ​ប៉ិច​១(Epic១)​។​

​លោក​ប៉ាវ​ វ៉ា​នី​រ៉ុ​ង​ តំណាង​ក្រុមហ៊ុន​អ៊ែ​ត​អេ​ប៉ិច​ឌែ​ន​ស៊ី​ង​ អ៊ែន​ អ៊ិ​ន​ធ​រ័​ធែ​ន​មែន ​បាន​មាន​ប្រសាសន៍​ស្វាគមន៍​ និង​ប្រាប់​ពី​គោលបំណង​នៃ​ការ​ជួបជុំ​នា​ថ្ងៃនេះ ​គឺ​ដើម្បី​ចូលរួម​យុទ្ធនាការ​ប្រយុទ្ធ​ប្រឆាំង​គ្រឿងញៀន​ខុសច្បាប់​របស់​រាជរដ្ឋាភិបាល​លើក​ទី​៤​ ដែល​ក្រុមហ៊ុន​បាន​សហការ​អនុវត្ត​ នា​ពេល​កន្លង​ និង​ដើម្បី​បង្ការ​ទប់ស្កាត់​បញ្ហា​គ្រឿងញៀន​។​

​ក្នុង​ឱកាស​នោះ ​ថ្លែង​ក្នុង​នាម​នាយ​ឧត្តមសេនីយ៍​មាស​ វិ​រិ​ទ្ធ​ អគ្គលេខាធិការ​ នៃ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​ លោក​ លឹ​ម​ តុង​ហួត​ បាន​មាន​ប្រសាសន៍​កោត​ស​សើរ​ ដល់​ម្ចាស់​ក្រុមហ៊ុន​ ដែល​បាន​សហការ​រៀបចំ​ឲ្យ​មានកម្ម​វិធី​ផ្សព្វផ្សាយ​ បង្កើន​ចំណេះដឹង​ពាក់​ព​ន្ធ័​នឹង​បញ្ហា​គ្រឿងញៀន ​ដល់​បុគ្គលិក​ទាំងអស់ ​ដើម្បី​ពួក​គាត់ បាន​យល់​ដឹង​កាន់តែ​ច្បាស់ ​និង​ចូលរួម​កាន់តែ​សកម្ម ​ក្នុង​ការងារ​ប្រយុទ្ធ​ប្រឆាំង​គ្រឿងញៀន​។​

​ក្នុង​ឱកាស​នោះ​ដែរ​ លោក​ លឹ​ម​ តុង​ហួត​ បាន​ថ្លែង​បន្ត​ថា​ប្អូនៗ​ ជា​យុវជន​ដាច់ខាត​ត្រូវ​តែ​ចៀស​ឲ្យ​ឆ្ងាយ​ កុំ​ពាក់ព័ន្ធ​នឹង​បញ្ហា​គ្រឿងញៀន​ ហើយ​ប្អូនៗ​ជា​មុខសញ្ញា​ងាយ​រង​គ្រោះ​ទៅ​នឹង​បញ្ហា​គ្រឿងញៀន​ដូចនេះ​ប្អូនៗ​ត្រូវ​តែ​ខិតខំ​ស្វែង​យល់​ ព័ត៌មាន​ពាក់ព័ន្ធ​នឹង​ចំណេះដឹង​ដើម្បី​អាច​បង្ការ​ខ្លួន​បាន​ពី​បញ្ហា​គ្រឿងញៀន​?​ ៕