ផ្ទះ ព័ត៌មានជាតិ រន្ធត់ណាស់!! ...

រន្ធត់ណាស់!! រថយន្តរបូតកង់ទៅប៉ះរថយន្ត បណ្ដាលឲ្យខ្ទេចមួយកំណាត់មុខ

0

ព្រះសីហនុ: នៅវេលាម៉ោង ៧និង៣០នាទីព្រឹក ថ្ងៃទី១៦ ខែឧសភា ឆ្នាំ២០១៩ មានករណីគ្រោះថ្នាក់ចរាចរណ៍ រវាងរថយន្តរបូតកង់ទៅប៉ះរថយន្ត១គ្រឿងទៀត ស្ថិតតាមបណ្ដោយផ្លូវជាតិលេខ៤ ចន្លោះគីឡូម៉ែត្រលេខ១៣៨-១៣៩ ភូមិចម្ការហ្លូង ឃុំចម្ការហ្លូង ស្រុកកំពង់សីលា ខេត្តព្រះសីហនុ។

រថយន្តបង្កម៉ាក FUSO ក្បាលព៌ណខៀវ ពាក់ស្លាកលេខ ភ្នំពេញ 3E-7627 ធ្វើដំណើពីខេត្តព្រះសីហនុទៅភ្នំពេញ បើកបរដោយឈ្មោះ ឆាយ សម្បិត្ត ភេទប្រុស អាយុ ៣៥ឆ្នាំ មុខរបរបើកបរ មានទីលំនៅភូមិត្រពាំងខ្នា ឃុំយុទ្ធសាមគ្គី ស្រុកឧដុង្គ ខេត្តកំពង់ស្ពឺ លុះមកដល់ចំណុចកើតហេតុខាងលើ រថយន្តបានរបូតកង់ខាងក្រោយផ្នែកខាងឆ្វេង មកប៉ះរថយន្តតាកូម៉ា ពណ៌ទឹកប្រាក់ ពាក់ស្លាកលេខ ភ្នំពេញ 2Z-3815 មានទិសដៅពីភ្នំពេញ ទៅខេត្តព្រះសីហនុ ។

ជនរងគ្រោះឈ្មោះ ហួត ហ៊ុយលីន ភេទប្រុស អាយុ ២២ឆ្នាំ រស់នៅភូមិក្បាលទំនប់ សង្កាត់បឹងទំពុន ខណ្ឌមានជ័យ រាជធានីភ្នំពេញ រថយន្តតាកូម៉ាខូចខាតផ្នែកខាងមុខទាំងស្រុង តែមិនបណ្តាលឲ្យគ្រោះថ្នាក់ដល់មនុស្សឡើយ ។

បច្ចុប្បន្នរថយន្តទាំងពីរគ្រឿង ត្រូវបានកម្លាំងជំនាញយកទៅរក្សាទុក នៅអធិការដ្ឋាននគរបាលស្រុកកំពង់សីលា ដើម្បីដោះស្រាយតាមនីតិវិធី៕

Loading...

Leave a Reply

This site uses Akismet to reduce spam. Learn how your comment data is processed.