Post News Media ព័ត៌មានជាតិ តន្ត្រីករម្នា...

តន្ត្រីករម្នាក់ត្រូវចោរឆក់ នៅខណ្ឌដូនពេញ

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កាលពី​វេលា​ម៉ោង​២២​និង​១០​នាទីថ្ងៃ​ទី​៦​ ខែមិថុនា​ ឆ្នាំ​២០១៩​ ​កម្លាំង​ប៉ុស្តិ៍​នគរបាល​រដ្ឋបាល​ជ័យ​ជំនះ​ នៃ​អធិការដ្ឋាន​នគរបាល​ខណ្ឌដូនពេញ​ ឃាត់ខ្លួន​ជនសង្ស័យ​ម្នាក់​ ពី​បទ​លួច​មាន​ស្ថាន​ទម្ងន់ទោស​ប្រើ​អំពើ​ហិង្សា​ (​ដើរ​ឆក់​ទូរស័ព្ទ​ដៃ​)​ ត្រង់ចំណុច​មុខ​វត្ត​ឧណ្ណាលោម​ ផ្លូវ​ព្រះ​ស៊ី​សុវត្ថិ​ ភូមិ​ទី​១​ សង្កាត់​ជ័យ​ជំនះ​ ខណ្ឌដូនពេញ​ រាជធានី​ភ្នំពេញ​។​

​ជនសង្ស័យ​​ឈ្មោះ​ កង​ បញ្ញា​ ភេទ​ប្រុស​ អាយុ​ ២៤​ឆ្នាំ​ ជនជាតិ​ខ្មែរ​មុខរបរ​ ​ទីលំនៅ​មិន​ពិតប្រាកដ​។​
​ជន​រង​គ្រោះ​ឈ្មោះ​ លឹ​ម​ ស៊ា​ង​ ភេទ​ប្រុស​ អាយុ​ ៥០​ឆ្នាំ​ ជនជាតិ​ខ្មែរ​ មុខរបរ​ តន្ត្រីករ​ ស្នាក់​នៅផ្ទះ​លេខ​17EO​ ផ្លូវ​លេខ​៤៧​ ភូមិ​១៥ សង្កាត់​ស្រះ​ចក​ ខណ្ឌ​ដូន​​ពេញ​ រាជធានី​ភ្នំពេញ​។​

​វ​ត្តុ​តាង​ចាប់​យក​មាន​៖​ ទូរស័ព្ទ​ដៃ​០១​គ្រឿង​ម៉ាក​ HUAWEI​ ពណ៌​ទឹក​បិ​ច​ (​បាន​ប្រគល់​ជូន​ជន​រង​គ្រោះ​វិញ​)​។​

ដំណើរ​រឿងហេតុ៖​ មុនពេល​កើតហេតុ​ ជន​រង​គ្រោះ​បាន​ដើរទៅ​អង្គុយ​លេង​លើ​ថ្ម​ម៉ា​ប ​មាត់ទន្លេ​មុខ​វត្ត​ឧណ្ណាលោម​ ផ្លូវ​ព្រះ​ស៊ី​សុវត្ថិ​ ភូមិ​ទី​១​ សង្កាត់​ជ័យ​ជំនះ​ ខណ្ឌដូនពេញ​រាជធានី​ភ្នំពេញ​ ដោយយក​ទូរស័ព្ទ​ដៃ​ម៉ាក​ HUAWEI​ ពណ៌​ទឹក​ប៊ិចចុច​លេង​ ពេល​នោះ​ស្រាប់តែជនសង្ស័យ​​បាន​ដើរមក​ជិត​ ​ហើយ​ធ្វើ​សកម្មភាព​ឆក់​យក​ទូរស័ព្ទ​ដៃ​ពី​ដៃ​ ​បាន​សម្រេច​រត់គេច​ខ្លួន​ រំពេចនោះជន​រង​គ្រោះ​ស្រែក​ឆោ​រ​ឡោ​រត់​ដេញ​តាម​ពីក្រោយ​ ជនសង្ស័យ​រត់​ឆ្លងផ្លូវ​មក​ដល់​ចំណុច​ផ្លូវ​សុធារស​កែង​ផ្លូវ​លេខ​១៧៨​ ភូមិ​២​ សង្កាត់​ជ័យ​ជំនះ​ ត្រូវ​បាន​កម្លាំង​នគរបាល​ប៉ុស្តិ៍​ជ័យ​ជំនះ ​ដែល​កំពុង​ល្បាត​ឃើញ​ជួយ​អន្តរាគមន៍​ឃាត់ខ្លួន​ជនសង្ស័យ​បាន​ រួម​ជាមួយ​វត្ថុ​តាង​ទូរស័ព្ទ​ដៃ​០១​គ្រឿង​ របស់​ជន​រង​គ្រោះ​ ដែល​ឆក់​បាន​យក​ទៅ​ធ្វើការ​សួរ​នាំនៅ​ប៉ុស្តិ៍​នគរបាល​រដ្ឋបាល​ជ័យ​ជំនះ​តែ​ម្តង​។​

ចំពោះ​មុខ​កម្លាំង​ប៉ុស្តិ៍​និង​ខណ្ឌ​កំពុង​ប្រើ​វិធានការ​ជំនាញ​សួរ​ចម្លើយ​រក​បក្ខពួក​និង​សកម្មភាព​ដែល​បាន​ប្រព្រឹត្ត​កន្លង​មក​ ដើម្បីកសាង​សំណុំរឿង​តាម​​នីតិវិធី​៕