ផ្ទះ ព័ត៌មានជាតិ ឃាត់ខ្លួន​ជនស...

ឃាត់ខ្លួន​ជនសង្ស័យ​ម្នាក់​ លួច​កាត់​ខ្សែ​ក​ក្នុង​ពិធីបុណ្យ​ឡើងអ្នកតា​នៅ​ស្រុក​បាភ្នំ​

0

ខេត្តព្រៃវែង: យោងតាមផេកនគរបាលជាតិ បានឲ្យដឹងថា ជនសង្ស័យ​ម្នាក់​ ត្រូវ​បាន​សមត្ថកិច្ច​ឃាត់ខ្លួន​ នៅ​ថ្ងៃ​ទី​១៦​ ខែមិថុនា​ ឆ្នាំ​២០១៩​ វេលា​ម៉ោង​ប្រហែល​ ២០​និង​៣០​នាទី​ នៅ​ចំណុច​បរិវេណ​បុណ្យ​ឡើងអ្នកតា​ ស្ថិត​ភូមិ​ឈើ​កាច់​ ឃុំ​ឈើ​កាច់​ ស្រុក​បាភ្នំ​ ខេត្តព្រៃវែង​ ពាក់ព័ន្ធ​លួច​កាត់​ខ្សែ​ក​ ។​

​ជន​រង​គ្រោះ​ ឈ្មោះ​ ចក់​ ពុទ្ធិ​រាជ​ ភេទ​ប្រុស​ អាយុ​១​ឆ្នាំ​ ម្ដាយ​ដែល​ពរ​កូន​ ឈ្មោះ​ញ៉​ ស្រី​និច្ច​ អាយុ​២០​ឆ្នាំ​ ភូមិ​តា​លៃ​ ឃុំ​គ​ ស្រុក​ព្រៃឈ​ ខេត្តកំពង់ចាម​ មុខរបរ​ សេះ​កន្ត្រក​។​ ​ជនសង្ស័យ​ ឈ្មោះ​សុខ​ មាស​ ភេទ​ប្រុស​ អាយុ​១៩​ឆ្នាំ​ ភូមិ​ ប៉ប្រក​ខាងជើង​ សង្កាត់​កា​កាប​ ខ​ណ្ឌ​ពោធិ៍​សែន​ជ័យ​ រាជធានី​ភ្នំពេញ​ មុខរបរ​ មិន​ពិតប្រាកដ​ ។​

វត្ថុ​តាង​ ខ្សែ​ក​ ចំនួន​២​ខ្សែ​ ថ្នាំងអំពៅ​ចំនួន​មួយ​ខ្សែ​ ទំងន់​ ១​ជី​កន្លះ​ (​ប្លា​ទី​ន​)​ មួយ​ខ្សែ​ទៀត​ទម្ងន់​ ប្រហែល​១​ជី​ ថ្នាំងអំពៅ ​(​ប្លា​ទី​ន​)​។​

​តាម​សភាព​រឿងហេតុ​ ៖​ មុន​ពេល​កើតហេតុ​ ម្តាយ​ពរ​កូន​ឈរ​មើល​គេ​គប់​ប៉េងប៉ោង​ ពេល​មានឱកាស​ល្អ​ ជនសង្ស័យ​ក៏​យក​កន្ត្រៃ​កាត់​ផ្ដាច់​យក​ខ្សែ​ក​ ពេល​នោះ​ជន​រង​គ្រោះ​ឃើញ​ ក៏​ចាប់​ជនសង្ស័យ​ យក​មក​ប្រគល់​ឲ្យ​សមត្ថកិច្ច​តែ​ម្ដង​។​

​បច្ចុប្បន្ន​ ជនសង្ស័យ​ឃាត់ខ្លួន​នៅ​អធិការដ្ឋាន​នគរបាល​ស្រុក​បាភ្នំ​ ដើម្បី​កសាង​សំណុំរឿង​ តាម​នីតិវិធី​ បញ្ជូន​ទៅ​សាលាដំបូង​ខេត្តព្រៃវែង​៕

មតិយោបល់