បាត់ដំបងៈ កាលពីវេលាម៉ោង១០ និង៤០នាទីព្រឹកថ្ងៃទី២ ខែសីហា ឆ្នាំ២០១៩ មានករណីជនសង្ស័យ ធ្វើសកម្មភាពចូលគាស់ផ្ទះ ប្រជាពលរដ្ឋចំនួន២ខ្នងផ្សេងគ្នា ដោយលួចយកទ្រព្យសម្បត្តិអស់ជាច្រើន ខណៈម្ចាស់ផ្ទះមិននៅ ត្រង់ចំណុចផ្ទះលេខ៩៣ និងផ្ទះ១ខ្នងទៀត ស្ថិតនៅជាប់គ្នាក្នុងក្រុមទី៥ ភូមិវត្តរំដួល សង្កាត់ចំការសំរោង ក្រុង/ខេត្តបាត់ដំបង។

ជនរងគ្រោះជាម្ចាស់ផ្ទះឈ្មោះ ជា ទូច ភេទស្រី អាយុ៦០ឆ្នាំ និងម្ចាស់ផ្ទះមួយខ្នងទៀតឈ្មោះ គឹម ឆវី ភេទស្រី អាយុ៦៣ឆ្នាំ មុខរបរលក់ដូរ មានទីលំនៅក្នុងភូមិ និងសង្កាត់ជាមួយគ្នាខាងលើ។

ដោយឡែកសម្ភារៈដែលបាត់បង់សរុប ក្នុងករណីនេះ រួមមានខ្សែកចំនួន៤ខ្សែ ខ្សែដៃ៣ខ្សែ ចិញ្ចៀនប្លាទីន៤វង់ ខ្សែដៃ១ខ្សែ និងការវិល៤គូផងដែរ។

បច្ចុប្បន្ន សមត្ថកិច្ច កំពុងស្រាវជ្រាវកំណត់មុខសញ្ញា ដើម្បីតាមចាប់ជឲជនសង្ស័យ យកមកផ្តន្ទាទោសតាមផ្លូវច្បាប់៕