ភ្នំពេញៈ ដោយអនុវត្តតាមការបញ្ជារបស់ ឯកឧត្តម នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ និង ឯកឧត្តម ឧត្តមសេនីយ៍ឯក ឡឹក វណ្ណៈ មន្ទីរប្រឆាំងគ្រឿងញៀននៅថ្ងៃទី៣១ ខែសីហា ឆ្នាំ២០១៩ វេលាម៉ោង៥និង១០នាទី កម្លាំងជំនាញ(ក១) នៃមន្ទីរប្រឆាំងគ្រឿងញៀន ដឹកនាំផ្ទាល់ដោយលោក ឧត្តមសេនីយ៍ត្រី អ៊ិន សុង នាយករងមន្ទីរប្រឆាំងគ្រឿងញៀន សហការជាមួយកម្លាំងមូលដ្ឋាន ដឹកនាំសម្របសម្រួលដោយលោក ប្លង់ សុខផល ព្រះរាជអាជ្ញារង បានស្រាវជ្រាវ និងបង្ក្រាបករណីជួញដូរ-រក្សាទុកសារធាតុញៀនដោយខុសច្បាប់ នៅចំណុចបន្ទប់ជួលលេខ ៤០៣ ផ្ទះលេខ ៩ AB ផ្លូវ២៨៨ កែងនឹងផ្លូវលេខ ១១៣ ក្រុម៤១ ភូមិ៧ សង្កាត់បឹងកេងកង២ ខណ្ឌចំការមន រាជធានីភ្នំពេញ លទ្ធផល ឃាត់ខ្លួន ជនសង្ស័យ ០១នាក់ ឈ្មោះ សុខ ម៉ាត់លី កើតថ្ងៃទី ០៨ ខែកញ្ញា ឆ្នាំ១៩៨៨ ជនជាតិខ្មែរ និង ចាប់យកវត្ថុតាង សរុបទម្ងន់ 2487.82g រួមមានដូចខាងក្រោម ៖
1. អ៊ិចស្តាស៊ី (ម្សៅ) 1563.90g
2. អ៊ិចស្តាស៊ី (គ្រាប់) 224.91g
3. កេតាមីន(ម្សៅ) 419.15g
4. មេតំហ្វេតាមីន(ICE) 276.04g
5. នីមេតាហ្សាប៉ាម 3.82g
6. ជញ្ជីងថ្លឹង ២គ្រឿង
7. ទូរស័ព្ទដៃ ១គ្រឿង ៕