ពោធិ៍សាត់ៈ ហេតុការណ៍គ្រោះថ្នាក់ចរាចរណ៍រន្ធត់មួយបានកើតឡើងរវាងរថយន្តហ៊ីណូ ពណ៌សបុកគូថហ៊ីណូ ពណ៌បៃតងពេញទំហឹងលាន់ដូចរន្ទះ បណ្តាលឲ្យមនុស្សម្នាក់របួសធ្ងន់ កាលពីវេលាម៉ោង១២៖២០នាទីយប់រំលងអាធ្រាត្រ ឈានចូលថ្ងៃទី២២កក្កដា ស្ថិតនៅចន្លោះគីឡូម៉ែត្រ ១៤៩-១៥០ ក្នុងភូមិឈើទាលខ្ពស់ ឃុំក្បាលត្រាច ស្រុក្រគរ ខេត្តពោធ៍សាត់។
ប្រភពឲ្យដឹងថា មុនពេលកើតហេតុខាងលើ មានរថយន្តកុងតឺន័រម៉ាកហ៊ីណូ ១គ្រឿង ពណ៌សឆ្នូតខៀវ ពាក់ស្លាកលេខតាកែវ3A-1837 ធ្វើចរាចរពីទិសខាងលិទៅទិសខាងកើត ដឹកទំនិញ ដោយអ្នកបើកបរឈ្មោះ ជា សិលា អាយុ៣២ ឆ្នាំ ភេទប្រុស ជនជាតិខ្មែរ បចចុប្បន្ន នៅភូមិឡត៍ឥដ្ឋ ឃុំព្រែកព្រះស្តេច ក្រុបាត់ដំបង ខេត្តបាត់ដំបង លុះមកដល់ចំណុចកើតហេតុ ដោយសារតែចាំងភ្លើងហ្វា មើលមិនបានឆ្ងាយក៏បុកគូថរថយន្តចតស្ងៀម ម៉ាកហ៊ីណូ ពណ៌បៃតង ពាក់ស្លាកលេខស្វាយរៀង3A-0853 ដែលខូចចតលើចិញ្ចើមផ្លូវស្របទិសគ្នា ដោយអ្នកបើកបរមិនស្គាល់អត្តសញ្ញាណ បានរត់គេចខ្លួនបាត់ស្រមោល។ ក្នុងហេតុការណ៍ខាងលើនេះ អ្នកបើកបររថយន្តឈ្មោះជា សិលា រងរបួសធ្ងន់បាក់ជើងខាងស្តាំ៕
មតិយោបល់