ពោធិ៍សាត់ៈ កាលពីវេលាម៉ោង ១០ និង២០នាទីយប់ថ្ងៃទី ២១ ខែកញ្ញា ឆ្នាំ ២០១៩ លើដងផ្លូវជាតិលេខ៥ ចាប់ពីចំណុចទល់មុខហាងខារាអូខេ យីហោមនោរម្យ ក្នុងភូមិមាន់ចែ សង្កាត់ព្រៃញី ក្រុងពោធិ៍សាត់ មានករណីក្មេងទំនើង២ក្រុម មានគ្នាប្រហែល ២០នាក់ ជិះម៉ូតូជាច្រើនគ្រឿង ដោយកាន់ដាវសុំាម៉ូរ៉ៃ ដេញកាប់គ្នា បង្កឲ្យមានការភ្ញាក់ផ្អើល។
ភ្លាមៗផងដែរ កម្លាំងសមត្ថកិច្ច បានធ្វើការអន្តរាគមន៍ ឃាត់ខ្លួនបានចំនួន ៧នាក់ ដោយដកហូតវត្ថុតាងដូចជា៖
-ដាវសុំាម៉ូរ៉ៃ ៣ដើម
-ច្រវាក់១ខ្សែ និងម៉ូតូចំនួន ៧គ្រឿង។
ក្រោយឃាត់ខ្លួនក្រុមក្មេងទំនើងខាងលើ ត្រូវបានឃុំខ្លួនបណ្តោះអាសន្ន នៅអធិការដ្ឋាននគរបាលក្រុងពោធិ៍សាត់ ដើម្បីកសាងសំណុំរឿង ចាត់ការតាមផ្លូវច្បាប់៕
មតិយោបល់