ព័ត៌មានជាតិ

ល្បិចថ្មីទៀតហើយ! ប្រាប់ថាខ្លួនជាសមត្ថកិច្ច ជិះសុទ្ធតែរថយន្ត បែរជាមកលួចទូរស័ព្ទទៅវិញ

កំពង់ស្ពឺ: នៅថ្ងៃទី២៣ ខែកញ្ញា ឆ្នាំ២០១៩ វេលាម៉ោង ១និង៤៥នាទី ជនសង្ស័យចំនួន ៣នាក់ ត្រូវបានសមត្ថកិច្ចឃាត់ខ្លួន ត្រង់ចំណុចផ្លូវជាតិលេខ៤ ភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ។

ជនរងគ្រោះឈ្មោះ ហូយ តាក់ ភេទប្រុស អាយុ ២៧ឆ្នាំ ជនជាតិខ្មែរ មុខរបរតៃកុងឡាន មានទីលំនៅភូមិតាងូវ ឃុំទឹកល្អក់ ស្រុកគងពិសី ខេត្តកំពង់ស្ពឺ ។

ចំណែកជនសង្ស័យចំនួន ៣នាក់រួមមាន៖
១/ឈ្មោះ ប៉ុល បូរិន ភេទប្រុស អាយុ ៣៤ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិព្រៃមាន ឃុំព្រៃពួច ស្រុកអង្គស្នួល ខេត្តកណ្តាល (មេក្លោង) ។
២/ឈ្មោះ វ៉ុន គារ៉ាន ភេទប្រុស អាយុ ១៧ឆ្នាំ ជនជាតិខ្មែរ មុខរបរមិនពិតប្រាកដ នៅភូមិព្រៃមាន ឃុំព្រៃពួច ស្រុកអង្គស្នួល ខេត្តកណ្តាល។
៣/ឈ្មោះ ឈាង ម៉េងហុក ភេទប្រុស អាយុ ៣៥ឆ្នាំ ជនជាតិខ្មែរ មុខរបរជាងពិដាន រស់នៅភូមិត្បូងអង្គ ឃុំព្រៃញាតិ ស្រុកគងពិសី ខេត្តកំពង់ស្ពឺ។

សម្ភារ:បាត់បង់៖ ទូរស័ព្ទម៉ាកវីវ៉ូ ១គ្រឿង ។

សម្ភារ:ដកហូតបាន៖
-ទូរស័ព្ទម៉ាក វីវ៉ូ របស់ជនរងគ្រោះ។
-ទូរស័ព្ទម៉ាក ហូវៃ ១គ្រឿង។
-ម៉ាកណូគា ចុចពិល ១គ្រឿង។
-រថយន្តម៉ាកហុងដា(មីនី) ១គ្រឿង ពណ៌ស ពាក់ស្លាកលេខ ភ្នំពេញ 2AF-8305 ។

ដំណើររឿង៖ មុនពេលកើតហេតុ ជនរងគ្រោះបានបែកកង់រថយន្ត ហើយក្នុងរថយន្តគ្មានសោ គ្មានដែកដូយ ស្រាប់តែពេលនោះឃើញ រថយន្តម៉ាកហុងដា (មីនី) បើកមកដល់
ជនរងគ្រោះបក់ដៃហៅក្នុងបំណងខ្ចីកូនសោ និងដែកដូយ។ ខណ:រថយន្តជនសង្ស័យឈប់ ខ្លួនបានសុំខ្ចីដែក
ដូយដោះកង់បណ្ដើរ និយាយគ្នាលេងបណ្តើរ ទើបខ្លួនសួរថា អញ្ជើញទៅណាដែរ ជនសង្ស័យឆ្លើយថា បើកឡានដើរល្បាត។ ពេលដោះកង់រួចយកកង់ស៊ីគួរ មកដាក់ កង់នោះខូចទៀត ទើបពឹងឲ្យជនសង្ស័យ ជួយដឹកកង់ទៅសប់នៅក្បែរនោះ ពេលសប់កង់ ជនរងគ្រោះ បានឲ្យទូរស័ព្ទរបស់ខ្លួនទៅជនសង្ស័យ ចុចពិលបំភ្លឺដើម្បីសប់ ជនសង្ស័យឆ្លៀតឱកាសនោះ រត់ឡើងរថយន្តគេចខ្លួនបាត់តែម្តង ។

ក្រោយកើតហេតុ ជនរងគ្រោះបានទៅដាក់ពាក់បណ្ដឹង ឲ្យសមត្ថកិច្ចជួយអន្តរាគមន៍ រួចសមត្ថកិច្ច ក៏បានចុះស្រាវជ្រាវ រហូតឃាត់ខ្លួនជនសង្ស័យ ទៅកាន់ស្នងការដា្ឋននគរបាល ដើម្បីចាត់ការតាមនីតីវិធី៕

មតិយោបល់