ភ្នំពេញៈ កងយោធាមួកខៀវ១៥រូបរបស់ព្រះរាជាណាចក្រកម្ពុជា ដែលក្នុងនោះមានយុទ្ធនារីមួយរូបដែរផងនោះ បានចេញដំណើរនារសៀលថ្ងៃទី១៧ ខែតុលានេះ ដើម្បីទទួលការហ្វឹកហ្វឺនជំនាញកងសុខនហិតមីន រយៈពេលបីសប្តាហ៍ នៅសាធារណរដ្ឋឥណ្ឌា។

នាយឧត្តមសេនីយ៍សែម សុវណ្ណនី អគ្គនាយកNPMEC និង លោករ៉ាជីប គូម៉ា លេខាទី២ អមស្ថានទូតសាធារណរដ្ឋឥណ្ឌាប្រចាំកម្ពុជា បានអញ្ជើញជាអធិបតីក្នុងឱកាសចេញដំណើររបស់សិក្ខាកាមខាងលើនេះ។

តាមការបញ្ជាក់ពីឧត្តមសេនីយ៍ទោ តាំង ចាន់ពន្លឺ នាយក នាយកដ្ឋានផែនការ ប្រតិបត្តិ និងហ្វឹកហ្វឺន NPMECបានបញ្ជាក់នាពេលចេញដំណើររបស់កងកម្លាំងមួកខៀវនៅព្រលានយន្តហោះអន្តរជាតិភ្នំពេញថា ការងារបណ្តុះបណ្តាលសម្រាប់ជំនាញគ្រប់គ្រងកងសុនខខាងលើនេះ ភាគីឥណ្ឌាទទួលរ៉ាប់រងចំណាយទាំងស្រុងក្នុងវង្វង់ថវិកាប្រមាណជាង៦៥០.០០០ដុល្លារ៕