កំពង់ចាមៈ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ស្ត្រីម្នាក់ត្រូវបានកម្លាំងនគរបាលក្រុងកំពង់ចាមឃាត់ខ្លួនបានភ្លាមៗ ពាក់ព័ន្ធករណីលួចទូរស័ព្ទ ប្រព្រឹត្តនៅចំណុចក្នុងផ្សារធំកំពង់ចាម វេលាម៉ោង១៤និង៥០នាទី ថ្ងៃទី២៣ ខែកញ្ញា ឆ្នាំ២០១៩ ។
ជនសង្ស័យមានឈ្មោះ ថន សម្ផស្ស ភេទស្រី អាយុ៣១ឆ្នាំ ជនជាតិខ្មែរ មានទីលំនៅ ភូមិស្វាយ ឃុំឈ្វាំង ស្រុកពញាឮ ខេត្តកណ្ដាល ។ ក្នុងនោះកម្លាំងបានដកហូតវត្ថុតាងទូរស័ព្ទ ២ គ្រឿង បញ្ជូនមកកាន់អធិការដ្ឋាននគរបាលក្រុងកំពង់ចាម ។
ក្រោយការសាកសួរដៃដល់បានសារភាពថា ខ្លួនពិតជាបានធ្វើសកម្មភាពលូកហោប៉ៅលួចយកទូរស័ព្ទ ចំនួន២គ្រឿងរបស់ជនរងគ្រោះប្រាកដនមែន នៅចំណុចក្នុងផ្សារធំកំពង់ចាម ហើយត្រូវម្ចាស់ដឹងខ្លួនទាន់ទើបប្តឹងសមត្ថកិច្ចឃាត់ខ្លួនតែម្តង ។
ជនល្មើសត្រូវបានកម្លាំងជំនាញនៃអធិការដ្ឋាននគរបាលក្រុងកំពង់ចាមកសាងសំណុំរឿងអនុវត្តតាមនីតិវិធី តាមបញ្ជារបស់លោក ហួត វុទ្ធី ព្រះរាជអាជ្ញាអមសាលាដំបូងខេត្តកំពង់ចាម និងប្រគល់ទូរស័ព្ទជូនម្ចាស់វិញ ៕
មតិយោបល់