ផ្ទះ ព័ត៌មានជាតិ ស្រ្តីចំណាស់ម...

ស្រ្តីចំណាស់ម្នាក់ ត្រូវកូនអូសក្រវាត់ធ្លាក់ពីលើគ្រែ គ្មានអាសូរ

0

កណ្ដាល:​ កាលពីវេលាម៉ោង ១៦ និង ៤០នាទី ថ្ងៃ​ទី​១០​ ខែតុលា​ ឆ្នាំ​២០១៩​ មានករណីប្រើប្រាស់ហិង្សាមួយកើតឡើង ស្ថិត​នៅ​ភូមិ​ស្វាយព្រៃ​ ឃុំ​ក​ណ្តោ​ក​ ស្រុក​កណ្តាលស្ទឹង​ ខេត្តកណ្តាល​។​

ជនសង្ស័យ​ឈ្មោះ​ អុ​ន​ អាង​ ភេទ​ប្រុស​ អាយុ​ ៣៩​ឆ្នាំ​ ជនជាតិ​ខ្មែរ​ មុខរបរ​ មិន​ពិតប្រាកដ។​ ​ជន​រង​គ្រោះ​ឈ្មោះ​ ដប​ ហ៊ិ​ន​ ភេទ​ស្រី​ អាយុ ​៨៧​ឆ្នាំ​ ជនជាតិ​ខ្មែរ​ ។​ អ្នកទាំង២ រស់នៅភូមិ/ឃុំខាងលើ។

វត្ថុតាងដកហូតបាន៖ កូន​កាំបិត​ចុង​ស្រួច​ចំនួន​ ១​ដើម​។

ដំណើររឿង៖ នៅពេលកើតហេតុ ជនសង្ស័យផឹកស្រាស្រវឹង ហើយបានសុំលុយម្ដាយខ្លួនចំនួន ២ម៉ឺនរៀល តែដោយគ្មានលុយឲ្យ ជនសង្ស័យក៏យកកូនកាំបិតចុងស្រួចមកគំរាម និងជេរប្រមាថ រួចទៅចាប់អូសក្រវាត់ម្ដាយធ្លាក់​ពីលើ​គ្រែ​ចម្ងាយ​ ៤​ ទៅ​ ៥​ម៉ែត្រ​។

​បច្ចុប្បន្ន​ ជនសង្ស័យ​ រួមទាំង​វត្ថុ​តាង​ ត្រូវ​បាន​សមត្ថកិច្ច​ធ្វើការ​ឃាត់ខ្លួន​ ​កសាង​សំណុំរឿង​បញ្ជូន​ទៅ​អធិការដ្ឋាន​នគរបាល​ស្រុក​កណ្តាលស្ទឹង​ ដើម្បី​ចាត់ការ​តាម​នីតិវិធី​៕

Loading...

Leave a Reply

This site uses Akismet to reduce spam. Learn how your comment data is processed.