ព័ត៌មានជាតិ

Update៖ មានបងប្អូនណាបាត់សាច់ញាតិដែរឫទេ! ករណីនារីវ័យប្រហែល ១៨ឆ្នាំម្នាក់ លង់ទឹកស្លាប់

ភ្នំពេញ: កាលពីវេលាម៉ោង ៣និង៣៥នាទី រសៀលថ្ងៃទី២៣ ខែតុលា ឆ្នាំ២០១៩ មានការភ្ញាក់ផ្អើលយ៉ាងខ្លាំងដោយប្រជាពលរដ្ឋ បានប្រទះឃើញសាកសពនារីម្នាក់ មានវ័យប្រហែល ១៨ឆ្នាំ អណ្តែតតាមដងទន្លេបាសាក់ ហេតុការណ៍នេះបានកើតឡើង ក្នុងក្រុមទី៦១ ភូមិ១០ សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។

សាកសពនារីរងគ្រោះខាងលើ មិនទាន់ត្រូវបានគេស្គាល់ពីអត្តសញ្ញាណនៅឡើយទេ មានសភាពហើមស្អុយទៅហើយ ពាក់អាវយឺត ពណ៌ខ្មៅដៃខ្លី ស្លៀកខោខ្មៅជើងវែង ផ្កាប់មុខ ត្រូវប្រជាពលរដ្ឋប្រទះឃើញ រាយការណ៍ជូនសមត្ថកិច្ច ចុះត្រួតពិនិត្យ និងជួលទូកអូសយកសពមកច្រាំង ដើម្បីធ្វើកោសល្យវិច័យបានបញ្ជាក់ថា ស្លាប់ដោយសារតែលង់ទឹក មិនពាក់ព័ន្ធនឹងករណីឃាតកម្មនោះទេ។

បញ្ជាក់៖ សពត្រូវបានដឹកយកទៅតម្កល់ទុកនៅវត្តឫស្សីសាញ់ ដើម្បីស្រាវជ្រាវរកសាច់ញាតិ៕

មតិយោបល់