ផ្ទះ ព័ត៌មានជាតិ អាសូរណាស់! សិ...

អាសូរណាស់! សិស្សសាលាម្នាក់ បើកម៉ូតូសុខៗ ស្រាប់តែរថយន្តបុកមកពីក្រោយ បណ្ដាលឲ្យរបួសធ្ងន់

0

កោះកុង:​ កាលពីថ្ងៃទី០៤​ ខែវិច្ឆិកា​ ឆ្នាំ២០១៩​ វេលា​ម៉ោង ១៥ និង ៤៥នាទី មានករណីគ្រោះថ្នាក់ចរាចរណ៍មួយកើតឡើង តាមបណ្ដោយផ្លូវជាតិលេខ ៤៨ នៅចំណុចចន្លោះបង្គោលគីឡូលេខ ២៣-២៤ ស្ថិតភូមិជីខ ឃុំជីខលើ ស្រុកស្រែអំបិល ខេត្តកោះកុង។

ដំណើររឿង៖ មុនពេលកើតហេតុ គេឃើញមានរថយន្តមួយគ្រឿងម៉ាក សាំយ៉ុង ពណ៌ស ពាក់ស្លាកលេខ​ កំពង់ឆ្នាំង 2B-1116 បើកបរ​ដោយ​ឈ្មោះ ណាវ វ៉ាន់នី ភេទប្រុស អាយុ ២៣ ឆ្នាំ ជនជាតិខ្មែរ មុខរបរ តៃកុងឡាន មានទីលំនៅភូមិវត្តថ្មី​ ឃុំតាជេស​ ស្រុកកំពង់ត្រឡាច ខេត្តកំពង់ឆ្នាំង ទិសដៅពីកើតទៅលិច មកដល់ចំណុចខាងលើ បានបុកជាមួយម៉ូតូម៉ាក ហុងដា C125 ពណ៌ខ្មៅ​ គ្មាន​ស្លាក​លេខ​ បើកបរដោយឈ្មោះ នុន លីហេង​ ភេទប្រុស មុខរបរសិស្ស ធ្វើដំណើរស្របទិសគ្នា បណ្ដាលឲ្យអ្នកបើកម៉ូតូរងរបួសធ្ងន់។

ក្រោយកើតហេតុ សមត្ថកិច្ចបានចុះដល់ទីតាំងធ្វើការវាស់វែង ឃាត់ខ្លួនជនបង្ករួមទាំងវត្ថុតាងបញ្ជូនទៅអធិការដ្ឋានស្រុកស្រែអំបិល រង់ចាំដោះស្រាយគ្នាតាមច្បាប់ ចំណែកជនរងគ្រោះនាំទៅព្យាបាលនៅមន្ទីរពេទ្យ៕

Loading...

Leave a Reply

This site uses Akismet to reduce spam. Learn how your comment data is processed.