កោះកុងៈ នៅថ្ងៃទី១៦ ខែធ្នូ ឆ្នាំ២០១៩ វេលាម៉ោង ៨និង០០នាទីព្រឹក កម្លាំងអធិការដ្ឋាននគរបាលស្រុកថ្មបាំង បានឃាត់ខ្លួនមុខសញ្ញាសង្ស័យម្នាក់ឈ្មោះ ម៉ម គិត ភេទប្រុស អាយុ ៤៥ឆ្នាំ រស់នៅភូមិត្រពាំងឈើត្រាវ ឃុំឬស្សីជ្រុំ ស្រុកថ្មបាំង ពីបទ លួចយកសត្វគោរបស់អ្នកដទៃ វះពោះយកគ្រឿងក្នុង ប្រព្រឹត្តនៅក្នុងព្រៃ កាលពីថ្ងៃទី១៥ ខែធ្នូ ឆ្នាំ២០១៩ ដែលជារបស់ឈ្មោះ ម៉ាត់ វ៉ាន់តាំ ភេទប្រុស អាយុ ៤៨ឆ្នាំ រស់នៅភូមិឃុំជាមួយគ្នា ។

ក្រោយពេលឃាត់ខ្លួនយកមកសាកសួរ ជនសង្ស័យបានសារភាពប្រាប់កម្លាំងសមត្ថកិច្ចថា ខ្លួនពិតជាបានលួចគោ នឹងវះពោះយកគ្រឿងក្នុងពិតប្រាកដមែន។

បច្ចុប្បន្នករណីនេះ កម្លាំងជំនាញកំពុងបំពេញសំណុំរឿង ចាត់ការតាមនីតិវិធី៕