ផ្ទះ ព័ត៌មានជាតិ នគរបាល​ស្រុក​...

នគរបាល​ស្រុក​អង្គស្នួល​ឃាត់ខ្លួន​ជនសង្ស័យ​៧​នាក់ ករណី​លួច​មាន​ស្ថាន​ទម្ងន់ទោស​

0

កណ្តាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ជនសង្ស័យ​ចំនួន​៧​នាក់ ក្នុងចំណោម​បក្ខពួក​១១​នាក់ ត្រូវបាន​សមត្ថកិច្ច​នគ​របាល​ស្រុក​អង្គស្នួល​ស្រាវជ្រាវ​ចាប់​ឃាត់ខ្លួន ពាក់ព័ន្ធ​ករណី​លួច​មាន​ស្ថាន​ទម្ងន់ទោស ប្រព្រឹត្ត​នៅវេលា​ម៉ោង​២​និង​៥០​នាទី​អធ្រាត្រ ថ្ងៃទី​២២ ខែធ្នូ ឆ្នាំ​២០១៩ នៅ​ចំណុច ភូមិ​ព្រៃខ្លា ឃុំ​ក្រាំង​ម្កាក់ ស្រុក​អង្គស្នួល ខេត្តកណ្តាល ។​

​ជនរងគ្រោះ​ចំនួន​៣​នាក់៖
​១-​ឈ្មោះ រុំ ឆា​រ៉ាត់ ភេទ​ប្រុស អាយុ​ ១៦​ឆ្នាំ ជនជាតិខ្មែរ មុខរបរ សិស្ស នៅ​ភូមិ​ត្រពាំង​នប់ ឃុំ​ក្រាំង​ម្កាក់ ស្រុក​អង្គស្នួល​ខេត្តកណ្តាល ។
២-​ឈ្មោះ ​ញួ​ន ពន្លឺ​ ហៅ​រ៉ូ​ត​ ភេទ​ប្រុស​ អាយុ​ ២០​ធ្នាំ​ ជនជាតិខ្មែរ​មុខរបរ​ជាង​ជួសជុល​ម៉ា​ស៊ីន​ត្រជាក់ ​នៅ​ភូមិ​ព្រៃ​​ខ្លា​ ឃុំ​ក្រាំង​ម្កាក់ ស្រុក​អង្គស្នួល ខេត្តកណ្តាល។
​៣-​ឈ្មោះ​ ភ័​ក្រ ពិ​ទិ​ ភេទ​ប្រុស ​អាយុ ​១៧​ឆ្នាំ ​ជនជាតិខ្មែរ ជា​សិស្ស​ថ្នាក់​ទី​១១ នៅ​ភូមិ​ព្រៃខ្លា ឃុំ​ក្រាំង​ម្កាក់ ស្រុក​អង្គស្នួល​ ខេត្តកណ្តាល​។​

​ជនសង្ស័យ​ត្រូវបាន​សមត្ថកិច្ច​ឃាត់ខ្លួន​នៅ​ថ្ងៃទី​២២ ខែធ្នូ ឆ្នាំ​២០១៩ មាន​ចំនួន​ ៧​នាក់ ក្នុងចំណោម​បក្ខពួក​ចំនួន​១១​នាក់ ។

ក្នុងនោះ​វត្ថុតាង​ចាប់យក​៖
១-​ម៉ូតូ​ម៉ាក​ហុងដា សេ​១៥ ស៊េរី​២០២០ ពណ៌​ខ្មៅ​១​គ្រឿង​(​គ្មាន​) លេខ​តួ​និង​លេខ​ម៉ាស៊ីន​5646606​។
២-​ម៉ូតូ​ម៉ាក​ហុងដា សេ​១២៥ ស៊េរី​ឆ្នាំ​២០១៩ ពណ៌​ខ្មៅ ពាក់​ស្លាក​លេខ​ភ្នំពេញ 1HR-7272 លេខ​តួ​និង​លេខ​ម៉ាស៊ីន​5537995​។
៣-​ដែក​ទីប​មូល​១​កំណាត់ ប្រវែង​១​ម៉ែត្រ​(​ជា​របស់​ជនសង្ស័យ​),
៤-​ម៉ូតូ​ម៉ាក​ហុងដា សេ​១២៥ ស៊េរី​ឆ្នាំ​២០១៩ ពណ៌​ខ្មៅ​១​គ្រឿង ពាក់​ស្លាក​លេខ​កណ្តាល 1AF-2970 លេខ​តួ​និង​លេខ​ម៉ាស៊ីន​5590161(​ជា​របស់​ជនរងគ្រោះ​ឈ្មោះ​ភ័​ក្រ ពិ​ទិ​),
៦-​ម៉ូតូ​ម៉ា​ហុងដា សេ​១២៥ ស៊េរី​ឆ្នាំ​២០១៧ ពណ៌​ទឹកមាស ពាក់​ស្លាក​លេខ​ភ្នំពេញ 1GT-2646 លេខ​តួ​និង​លេខ​ម៉ាស៊ីន​9720362(​ជា​របស់​ជនរងគ្រោះ​ឈ្មោះ ញួ​ន ពន្លឺ​)​។
៧-​ម៉ូតូ​ម៉ាក​ហុងដា សេ​១២៥ ស៊េរី​ឆ្នាំ​២០១៧ ពណ៌​ខ្មៅ ពាក់​ស្លាក​លេខ​ភ្នំពេញ 1GP-4418 លេខ​តួ​និង​លេខ​ម៉ាស៊ីន​9798185(​ជា​របស់​ជនរងគ្រោះ​ឈ្មោះ​រុំ ឆា​រ៉ាត់​)​។​

​ជនរងគ្រោះ​ត្រូវ​ជនសង្ស័យ​វាយ​ដោយ​ដែក​ទីប និង​កាប់​ដោយ​កាំបិត​បែកក្បាល​ខាងមុខ​.​បែក​កុង​ទ័​រ​២ ​ម៉ូតូ​ ២​គ្រឿង ដាច់​កា​តឺ​ប៊ូ​ក្រោយ​ទាំង ​២​គ្រឿង និង​យក​ស្លាក​លេខ​ទៅ​បាត់​១​សន្លឹក ម៉ូតូ​ពណ៌​មាស ។​

​ករណីនេះ កម្លាំង​ជំនាញ​នៃ​អធិការដ្ឋាន​នគរបាល​ស្រុក​អង្គស្នួល​កំពុង​ចាត់កា​តាម​នីតិវិធី ៕

មតិយោបល់