ព្រះសីហនុៈ នៅថ្ងៃទី១០ ខែមីនា ឆ្នាំ២០២០ វេលាម៉ោង ១២និង៥នាទីថ្ងៃត្រង់ មានករណីគ្រោះថ្នាក់ចរាចរណ៍រវាងរថយន្ត និងម៉ូតូ ផ្លូវជាតិលេខ៤ ចន្លោះបង្គោលគីឡូម៉ែត្រលេខ២០៧-២០៨ ភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ។

ម៉ូតូ ០១គ្រឿងម៉ាក HONDA DAELIM ពណ៌ក្រហម គ្មានផ្លាកលេខ មានទិសដៅ (ភ្នំពេញ-ព្រះសីហនុ) បើកបរដោយឈ្មោះ ផល ឆន ភេទប្រុស អាយុ ១៩ឆ្នាំ មានទីលំនៅភូមិថ្មធំ ឃុំរាម ស្រុកព្រៃនប់ ពេលមកដល់ចំណុចខាងលើម៉ូតូបានបត់ឆ្វេង ស្របពេលនោះមានរថយន្ត ០១គ្រឿងម៉ាក FUSO ពណ៌ត្រួយចេក ពាក់ផ្លាកលេខ ភ្នំពេញ 3B-7929 មានទិសដៅស្របគ្នាមកដល់ ក៏បុកប៉ះតែម្តង បណ្តាលអ្នកបើកបរម៉ូតូរបួសធ្ងន់ ចំណែកអ្នកបើកបររថយន្តចុះរត់គេចបាត់ មិនទាន់ស្គាល់អត្តសញ្ញាណនៅឡើយ។

ក្រោយកើតហេតុសមត្ថកិច្ចចុះដល់ទីតាំង ហៅរថយន្តសាមុយដឹកជនរងគ្រោះទៅព្យាបាលនៅមន្ទីរពេទ្យ រីឯវត្ថុតាងកម្លាំងជំនាញវាស់វែង យកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីកសាងសំណុំរឿងដោះស្រាយតាមនីតិវិធី៕